सिरहाका यी बजारहरुमा खुल्लेआम यौनधन्दा, प्रहरी मुखदर्शक, गोलबजारबाट ३ जोडी फन्दामा

न्यूज ब्यूरो, सिरहा । सिरहाको गोलबजारस्थित एक लजबाट ३ जोडी पक्राउ परेका छन् । गोलबजारमा रहेको विकास लजबाट तीन पुरुष र तीन महिला गरी ६ जनालाई पक्राउ गरिएको हो ।

होटेलमा अनैतिक क्रियाकलाप हुने गरेको सूचनाको आधारमा प्रहरीको टोलीले छापा मार्दा लजबाट यौन क्रियाकलापमा संलग्न भइरहेको अवस्थामा तीन जोडी महिला पुरुषलाई नियन्त्रणमा लिएको सिरहा प्रहरीले जनाएको छ ।

पक्राउ परेका जोडीहरु उपर आवश्यक अनुसन्धान प्रक्रिया अगाडि बढाएइको छ । प्रहरीको टोलीले उनीहरुलाई पक्राउ गरेपनि होटेल संचालकलाई भने पक्राउ गर्न सकेनन् । प्रहरीको टोली पुग्दा लजका संचालक फरार भएको प्रहरीको भनाई छ ।

पछिल्लो समय सिरहाका विभिन्न बजारहरु अनैतिक क्रियाकलापको अखडा बन्दै गएको देखिन्छ । जसमध्ये गोलबजार पनि एक हो । गोलबजारको विभिन्न होटेल, लज तथा मदिरा भट्ठीहरुमा खुल्लेआम यौनधन्दा चलिरहदा पनि स्थानीय प्रहरी प्रशासन आँखा चिम्लेर हेरी बसेको स्थानीयहरुको आरोप छ ।

सिरहाका प्रमुख बजारहरु लहान, मिर्चैया, गोलबजार, सिरहा लगातकका ठाउँको अवस्थामा पनि उही छ । तर, प्रहरी प्रशासन भने मुखदर्शक बनेको देखिन्छ ।