धनुषामा करेन्ट लागेर एक महिलाको मृत्यू

न्यूज ब्यूरो । धनुषामा करेन्ट लाग्दा एक महिलाको घटनास्थलमै मृत्यू भएको छ ।

धनुषाको धनुषाधाम नगरपालिका वडा नं. १ काशिपुर टोल स्थित चापाकलमा जडान गरिएको विद्युतिय मोटर चलाउन खोज्दा करेन्ट लागेर मृत्यू भएको जिल्ला प्रहरी कार्यालय धनुषाले जनाएको छ । मृत्यू हुनेमा स्थानीय हरिनारायण यादवकी श्रीमति बिमला देवि यादवको ज्यान गएको हो ।

पानी निकाल्नको लागि कलमा जडान गरिएको मोटरमा करेन्ट प्रभाव भएको तथा स्वीच दिएर मोटर चालु गरेकी थिइन । त्यसपछि मोटर चलाएर चापाकलमा छोएपछि उनलाई करेन्ट लागेको र घटनास्थलमै ज्यान गएको प्रत्यक्षदर्शीहरु बताउँछन । उनको शवको पोष्टमार्टमको लागि जनकपुर अञ्चल अस्पतालमा ल्याइएको जनाइएको छ ।