सिरहामा एक बालिका उपर सामूहिक बलात्कार, एक पक्राउ !

न्यूज ब्यूरो, सिरहा । सिरहामा एक बालिका सामूहिक बलात्कारको सिकार भएकी छन् ।

सिरहाको कर्जन्हा नगरपालिका १ बन्दिपुरस्थित बाबाताल नजिकैको जंगलमा घाँस काट्न गएकी एक बालिका उपर सामूहिक बलात्कार भएको हो ।

स्थानीय एक १४ वर्षीया बालिका बन्दिपुरको जंगलमा घास काट्न गएको बेला बालिकामाथि सामूहिक बलात्कार भएको बालिकालाई उदृत गर्दै प्रहरीले जनाएको छ ।

बलात्कार गरेको अरोपमा एकजना पक्राउ पनि गरेको छ । पक्राउ पर्नेमा कर्जन्हा नगरपालिका १ बन्दिपुरका श्यामकुमार महरा छन् ।

पीडित बालिकाले दिएको बयान अनुसार उनी उपर महरासहित ४ र ५ जनाको समूहले बलात्कार गरेका थिए ।

पक्राउ परेका महरालाई जिल्ला अदालत सिरहाबाट म्याद थप गरी अनुसन्धान जारी राखेको र बाँकीको आरोपीहरुको खोजी कार्य भइरहेको जिल्ला प्रहरी कार्यालय सिरहाका प्रवक्ता डिएसपी अपिलराज बोहराले जनाए ।