संसदमा अरगरियाको गर्जन : 'सबैभन्दा बढी कर तिर्ने प्रदेश २, तैपनि भिखारी झैँ बजेट किन ?'

न्यूज ब्यूरो, जनकपुरधाम । संघीय सांसद एवं धनुषा निर्वाचन क्षेत्र नं. २ का प्रतिनीधि सभा सदस्य उमा शंकर अरगरियाले केन्द्र सरकारले प्रदेश २ सरकारसँग विभेद गरेको आरोप लगाएका छन् ।

प्रतिनिधिसभाको बुधवारको बैठकमा सांसद अरगरियाले सबैभन्दा बढी कर प्रदेश २ ले नै तिरेपनि संघीय सरकारले आफ्नो विभेदकारी नीति नसच्याएको आरोप लगाएका छन् ।

सांसद अरगरियाले संघीय सरकारले प्रदेश २ सँग भिखारीको व्यवहार गरेको भन्दै आक्रोश पोखेका छन् । उनले प्रदेश २ लाई भिखारीले भिख मागे झैँ बजेट दिएको टिप्पनी गरे ।