घुस लिँदालिँदै ईलाका प्रशासनका कम्प्युटर अपरेटर रँगेहात पक्राउ

न्यूज ब्यूरो, बर्दिवास । घुस लिदै गरेको अवस्थामा अख्तियारको टोलीले ईलाका प्रशासन कार्यालय रामगोपालपुरवाट एक जना कम्प्युटर अपरेटरलाई पक्राउ गरेको छ ।

अख्तियार दुरुपयोग अनुसन्धान कार्यालय वर्दिवासको टोलीले कार्यालयको परिसरबाट रंगेहात कम्प्युटर अपरेटर पदमा कार्यरत अशोक कुमार सिंहलाई पक्राउ गरेका छन । सिंहले एक जना सेवाग्राहीसँग नागरिकता बनाईने दिने भन्दै ४ हजार रकम घुस मागेको र सोही दिने समयमा सिंहलाई अख्तियारको टोलीले पक्राउ गरेको जिल्ला प्रहरी कार्यालय महोत्तरीले जनाएको छ ।

अखितयारको टोलीले पक्राउ परेका सिंहलाई आवश्यक अनुसन्धानको लागि अख्तियारको कार्यालयमा वर्दिवास लगिएको प्रहरी उपरिक्षक ईश्वर कार्कीले बताएका छन ।