साना किसानका अध्यक्षद्धारा आफ्नो सबै सेवासुविधा किसानमै बाँडने घोषणा

न्यूज ब्यूरो, धनुषा । धनुषामा साना किसान सहकारी सँस्थाका एक अध्यक्षले सँस्थाबाट कुनै पनि प्रकारको सेवा सुविधा नलिने घोषणा गरेका छन् ।

धनुषाको क्षिरेश्वरनाथ नगरपालिका वडा नं. ९ स्थित साना किसान कृषि सहकारी संस्था दिगम्बरपुरका सँचालक समिति अध्यक्ष इन्द्र कुमार महतोले कुनै पनि प्रकारको सेवा सुविधा नलिने घोषणा गरेका छन् ।

सँस्थाको मासिक बैठकमा अध्यक्ष महतोले आफ्नो सेवा सुबिधा किसानहरुमा खर्च गर्ने र सबै सेवा सुबिधा नलिने घोषणा गरेका हुन । साना किसानमा उमाप्रेमपुर र दिगम्बरपुर टोलका किसानहरु लगायत २ हजार ५० जना रहेका छन् ।

सहकारी सँस्थाले विभिन्न किसिमका किसानलाई रकम कर्जा दिदै आएको छ । विशेष गरी सिँचाई तथा बालीनाली अन्य प्रकारको खेतीपातिको लागि यस सँस्थाले किसानहरुलाई ऋण उपलब्ध गराउँदै आएको हो ।

किसानहरुको मौसमी खेतिको लागि साना किसान कृषि सहकारी सँस्थाकै पहलमा खेतहरुमा विजुलि पोलिंग भएको जनाउँदै केही दिनमै विद्युतबाट सिँचाईको व्यवस्था गरी कृषिमा क्रान्ती ल्याउने जनाए ।