अपडेट : बलात्कृत बालिकाको मानसिक सन्तुलन बिग्रियो, काठमान्डौं रिफर !

न्यूज ब्यूरो, जनकपुरधाम । बेहोसीको औषधी प्रयोग गरी बलात्कार गरिएकी बालिकाको मानसिक सन्तुलन विग्रेको जनाइएको छ ।

गत बैशाख १५ गते दिउँसै छिमेककै काका पर्ने स्थानीय ३४ बर्षिय राजकुमार साहले क्षीरेश्वरनाथ नगरपालिका वडा नं. ५ की एक बालिकालाई बलात्कार गरेको घटना बैशाख १६ गते सोमबार सार्वजनिक भएको थियो । बलात्कारपछि बालिकालाई उपचारको लागि जनकपुरको धनुषा अस्पताल एण्ड रिसर्च सेन्टरमा भर्ना गरिएको थियो ।

धनुषा अस्पतालबाट ती बालिकालाई आज रिफर गरिएको छ । उपचारमा सँलग्न डा. संजीव गोईका अनुसार बालिकालाई बेला बेलामा अट्याक्क आउने गरेको पुष्टि गरेका छन् । न्यूज ब्यूरोसँग कुराकानी गर्दै उनले भने , उपचारको लागि ल्याउँदा बलात्कारको बारेमा केही जानकारी गराइन , उल्टी भएको र कमजोरी भएको स्वास्थ्य अवस्था विग्रीएको भनेर भर्ना गरिएको थियो । उनको मानसिक सन्तुलन बिग्री सकेको छ । अत्यधिक पीडाको कारण बालिका डिप्रेशनमा गएको हुनुपर्छ । उनलाई थप उपचारको लागि काठमान्डौँ रिफर गरिएको छ ।

धनुषा अस्पतालमा उपचार सम्भव नभएपछि पीडित बालिकालाई थप उपचारको लागि काठमान्डौँको बिएण्डबी हस्पिटलमा रिफर गरिएको हो । यस सन्दर्भमा अनुसन्धानमा सँलग्न डिएसपी ज्ञान कुमार महतोले उपचारको लागि काठमान्डौँ लगिएको पुष्टि गर्दै मानसिक सन्तुलन विग्रीएको बारे आफूलाई केही जानकारी नभएको प्रतिक्रिया दिएका छन् ।

उनल भने, - "हामी यस घटनालाई पूर्ण कडाईका साथ हेरिरहेका छौँ, जे जति प्रमाण जुटाउनुपर्छ हामी जुटाईरहेका छौँ । बलात्कार भएकै हो , हामी अनुसन्धानमै छौँ । अभियुक्त उपर अनुसन्धान जारी छ ।"

यता, अभियुक्तलाई प्रहरीले नै उम्काउन खोजेको भन्दै विभिन्न महिला संगठनहरुले शुक्रबार महेन्दनगर प्रहरी कार्यालय अगाडी टायर बालेर प्रर्दशन गर्दे ३ घण्टासम्म चक्काजाम गरेको थियो । चक्काजामका कारण सवारी आवतजावतमा समस्या हुन थालेपछि जनकपुरबाट खटि गएको डिएसपी महतोकै अगुवाईको टोलीले चक्काजाम खुलाएका थिए ।

पक्राउ गरिएका अभियुक्तलाई ईलाका प्रहरी कार्यालय महेन्द्रनगरले लुकीछिपी जनकपुर पठाएको भन्दै महिला अधिकारकर्मीहरु झन तातिएकी थिइन । आफूहरुबाट चोरेर अभियुक्तलाई बचाउन जनकपुर भगाएको आरोप अधिकारकर्मीको थियो भने प्रहरीले अभियुक्तलाई सुरक्षा चुनौतिको कारण सहित म्याद थप गरी अनुसन्धानको लागि पनि जिल्ला प्रहरी कार्यालय धनुषामा पठाएको जानकारी दिए ।

डिएसपी महतोले भने, - "ईलाका प्रहरी कार्यालय महेन्द्रनगरको भौतिक संरचना अहिले कमजोर छ । सडक बनिरहेकोले संरचनाहरु भत्काइएको छ । उनलाई सुरक्षा चुनौति पनि देखियो । स्थानीयहरुको भीडमा जे पनि हुने सम्भावनालाई मध्यनजर गर्दै अभियुक्त राज कुमार साहलाई जिल्ला प्रहरी कार्यालय जनकपुर पठायौ । हालाकी उनको मुद्दामा म्याद थप गरी अनुसन्धान पनि गहन तरिकाले होस भनेर उत्ता पठाएका छौँ ।"

महिला मानव अधिकार रक्षककी संयोजक बाला देवी शर्मा, महिला अधिकार मँच धनुषा धनुषाकी जिल्ला सचिव सोनी कुमारी पण्डित सहित ४०० भन्दा बढीको सँख्यामा महिला अधिकारर्की सहित स्थानीयहरु प्रहरी चौकी अगाडी दोषीलाई सजायको माग गर्दै नाराबाजी र प्रदर्शन गरेको थियो ।

यसरी भएको थियो घटना

महेन्द्रनगर स्थित घरमा पढदै गरेकी १४ बर्षिय ती बालिका बलात्कृत भईन । आइतवार दिउँसो स्कुलबाट घरफर्केर घरमा पढदै गरेकी दिदी वहिनीलाई वेहोस गरी छिमेकी ३३ वर्षको राज कुमार साहले घरमा कोइ नभएको बेला बलात्कार गरेको जनाईएको छ ।

दिउँसो १२ बजे तिर हाबाहुरीले घरको छाना उडाएको बहाना बनाउँदै घरको पछाडीबाट प्रवेश गरेको साहलाई देखेपछि पिडित बालिका सोधेको थियो काका के गर्न आएको हो ? तर केही नबोली घरको छाना हेर्दै थियो एक छिन पछि पिडित बालिका पानि लिएर कलबाट फर्के पछि साहले १४ वर्षिय बहिनीलाई बेहोस बनाई बलात्कार गरेको बताइएको छ ।

वहिनीको यस्तो अवस्था हेरेर पिडित बालिकाकी दिदीले बहिनीलाई बचाउन राजकुमारबाट अथक प्रयास गरेकी थिइन तर साहको अगाडि केही सकेन होस आउँदा आफू बलतकृत भएको र लगाउने लुगा कैचीले काटको थियो ।

पिडित बालिकालाई जनकपुर अंचल अस्पतालमा मेडिकल गराईएको छ । पीडितका अनुसार, मेडिकल गराउन जाँदा अञ्चल अस्पतालका चिकित्सकले समेत थर्काएको र धम्काएको आरोप लगाएकी छन् ।