विद्यार्थीहरुको दुई समूहबिच रड हानाहान हुँदा दर्जनौं घाइते, परीक्षा पनि स्थगित !

न्यूज ब्यूरो । बँगलादेशको ढाका स्थित शेरे बेङ्ला कृषि विश्वविद्यालय मा दुई समूह बिच झडप हुँदा दर्जनौ विद्यार्थी घाईते भएका छन् ।

त्यसमध्ये एकको अवस्था गम्भीर रहेको छ । ती विश्वविद्यालयमा उत्तर समूह र माईमनसिंह भन्ने दुई समूहबीच मँगलबार राती करिब ९ बजे देखि सुरु भएको समान्य भनाभनबाट राती करिब २ बजेतिर विवाद उग्र भएपछि दुवै समूह बिच रड तथा ईटा हानाहान भएको थियो ।

झडपमा परी उत्तर समूहको आरिफ लाबीब मुमीमलाई गम्भिर चोट लागेको छ भने उनको अवस्था गम्भीर रहेको छ । उनलाई टाउकोमा रडको गम्भीर प्रहारले गिद्दिमा रगत जमेको डाक्टरको भनाई छ । यता, घाइतेहरुको उपचार सरबरदि मेडिकल कलेजमा भईरहेको छ ।

उत्तर समूहले विश्वविद्यालयमा रहेको बाङ्लादेशका सत्तारूढ दल अवामी लिगका भातृ संगठन बाङ्लादेश छात्रलिगका समिति भङ गर्ने उद्देश्य झगडा उत्पन्न गरेको छात्रलिगका नेताहरुको आरोप रहेको छ ।

झगडा कसरी र केका लागि भएको हो भने रहस्य अहिलेसम्म खुल्न सकेको छैन । यता घटनाको सत्यतथ्य पत्ता लगाई दोषी माथि कडा कारवाही गर्न विश्वविद्यालयका प्रशासनले छानबिन समिति गठन गरेको विश्वविद्यालयका सहायक उपकुलपति प्रा. डा. सिकिन्दर अलिले जानकारि दिए ।

साथै विश्वविद्यालयमा हुने सम्पुर्ण परिक्षा स्थगित गरिएको त्यहाँस्थित अध्ययनतर विद्यार्थी सुदीप कुमार शर्माले जानकारी दिएका छन् ।