जनकपुरको बीच बजारबाटै यादव गायब !

न्यूज ब्यूरो, जनकपुरधाम । जनकपुरको बीच बजारबाटै एक युवक गायब भएपछि खैलाबैला मच्चिएको छ ।

सोमबार साँझ महोत्तरीको जलेश्वरबाट काठमान्डौँको लागि हिंडेका महोत्तरी जिल्लाको एकडारा गाउँपालिका वडा नं. ४ बस्ने बर्ष २४ का सिकिन्दर यादव जनकपुरको बीच बजारबाटै वेपत्ता भएका हुन् ।

जलेश्वरबाट काठमान्डौँ जान यादवले साबित्री डिलक्स नामक १८०८ नम्बरको बसमा सबार भएका थिए । जलेश्वरबाट बाटोमा कत्तै नओर्लिएका उनी जनकपुरको रामानन्द चोकमा ओर्लिको हुन सक्ने उनका परिवारजनले जनाएको छ ।

यादवलाई बस चालकले फोन गर्दा आफू मोटरसाईकलमा पीडारीचोक आउने भनेका थिए तर त्यहाँ पनि यादव नआएपछि बस अन्तत काठमान्डौँको लागि हिडेको बताइएको छ । त्यसपछि उनको मोबाईल स्वीच अफ भएको परिवारजनले जनाएको छ भने उनको अपहरण हुन सक्ने अनुमान उनकै परिवारजनले गरेका हुन् ।

यता, धनुषाका प्रहरी प्रमुख शेखर खनालले यादव अपहरणमा परेको उजुरी अहिलेसम्म नआएको र फोन मार्फत मात्र जानकारी भएको भन्दै यस उपर अनुसन्धान थालिएको जानकारी दिए ।

एसपी खनालका अनुसार, अपरणमा परेको भए फिरौती अथवा अन्य कुनै सम्पर्क परिवारजनसँग हुनुपर्ने थियो तर परिवारजनसँग अहिलेसम्म कसैले नगरेको बताए । परिवारजनका अनुसार, बेपत्ता सिकिन्दर यादवसँग केही नगद र गरगहना समेत रहेको थियो ।