ग्यास प्लान्टमा भएको आगलगिमा परी आधा दर्जन बढी व्यक्तिको मृत्यू, कैँयो जले !

वीरगन्ज, पुस ५ । वीरगञ्ज उपमहानगरापलिका– २४ स्थित पटेल नगरमा रहेको सुपर ग्यास उद्योगमा आज बिहान भएको भीषण आगलागीमा परी आधा दर्जन बढी मानिसको मृत्यू भएको खवर आएको छ ।

बिहान सवा ६ बजेतिर लागेको आगो अझै नियन्त्रणमा आउन सकेको छैन। प्रहरीका अनुसार आगलागीमा परी ९ जनाको ज्यानसमेत गएको छ। यद्यपी उद्योगभित्र कति मानिस थिए भन्ने अझै खुल्न सकेको छैन भने मृत्यूको औपचारिक पुष्टि अझ गरिएको छैन ।

आगो नियन्त्रणका लागि गएको वीरगञ्ज महानगरपालिकाको एउटा दमकलसमेत जलेको छ। आगलागीको कारण खुल्न सकेको छैन।
आगलागी फैलँदै गएपछि नियन्त्रण बाहिर छ। ग्यास सिलिण्डर पड्किरहेकाले अग्नी नियन्त्रणहरुसमेत नजिक जान नसकिरहेको प्रहरीले जनाएको छ।
विश्वकर्मा सिमेन्ट उद्योग नजिकै रहेको प्लान्टभित्र रहेका सबै ग्यासे बुलेट पनि जलेर नष्ट भएका छन्।

उद्योगको प्लान्ट बस्तीबाट एक किलोमिटर टाढा भए पनि भीषण आगलागी भएका कारण स्थानीय बासिन्दा त्रसित बनेका छन्। स्थानीय बस्ती नै छाडेर सुरक्षित स्थानमा पुगेका छन्। प्रहरीले स्थानीयलाई आगलागीको ५ सय मिटर पर नै रोकेको छ।

ग्यास बुलेट पड्किएको आवाज परेसम्म सुनिएको छ।
घटनास्थलमा नेपाली सेना, नेपाल प्रहरीको टोली पुगे पनि आगो निभाउन सकेका छैनन्।
आगलगीमा परेर जलेका कामदारहरुको तस्विरहरु समाजिक सञ्जालमा भाईरल बन्न थालेको छ ।
आगलगी कसरी भएको बारे विस्तृत विवरण आउन बाँकी छ ।