मधेशीहरुले अमेरिका लगायत विभिन्न देशमा मनाए 'होली' !

न्यूज ब्यूरो, अमेरिका । संसार भरी छरिएर रहेका मधेशीहरुको छाता सँगठन गैर आवासीय मधेशी संघले विभिन्न देशमा होली धुमधामले मनाएका छन् ।

रोजगारीको शिलशिलामा मधेशीहरु देश बाहिर रहेपनि आफ्नो संस्कृतिलाई उजागर तथा बरकरार राख्न हर्षोल्लास, उमँग र रँगअबिरको पर्व होलीको अवसरमा एकजुट भई कतार, साउदी, अमेरिका, भारत, दुबई, मलेसिया लगायत विश्वको विभिन्न देशहरुमा आज गुलाल दलेका छन् ।

गैर आवासीय मधेशीहरूले शनिवार गेथेसबर्ग, मैरील्याण्डमा होलीको त्योहार मनाए । एनआरएमए सँयुक्त राज्य अमेरीकाका महासचिव धिरज कुमारद्वारा आयोजित कार्यक्रममा अमेरीकाका अध्यक्ष इन्द्रजित यादव एनआरएमए तथा अभिषेक झा वरिष्ठ उपाध्यक्ष, मिडिया संयोजक अनिल यादव र एएनटिए अध्यक्ष विजय सिंहलगायतको सहभागी भए ।

त्यसैगरी, सदस्यहरु विजय साह, सुशील साह , बब्लु साह, राकेश साह, प्रवत तिवारी, सिम्पल कुमारी, नीता कुमारी, पूजा कुमारी, संयुक्ता साह, संकेत साह , आर्यन साह , रोजी साह , रोजा रैजÞ , अन्जली यादव, गौस्तावो रैजÞ, राजन थापा, दान ,बिभियाना र अन्य मधेशीहरुले सहभागिता जनाएका थिए ।

दुई मुटुलाई जोडने पर्वको रुपमा मनाउने होलीमा सबै एकजुट भएर मधेशको लागि काम गर्ने प्रतिवद्धता उनीहरुले गरेका थिए ।