'छोराले घृणा गरेपछि यी जोडीलाई दुई वर्षदेखि त्रिपालको बास'

जनकपुरधाम, ९ पुस । आमा विरामी भएपछि आफ्नै छोराले घृणा गरेर आमावुवालाई घर बाहिर फालेपछि दुई वर्षदेखि खेतको वास बस्न बाध्य भएका छन एक अटुट जोडी ।

प्रदेश नं. १ को राजधानी विराटनगरदेखि केही दुरीमा मात्र यी प्रेमजोडी विगत दुई वर्षदेखि त्रिपालको वास बस्न बाध्य भएका छन् । मोरँग जिल्लाको बुढीगँगा गाउँपालिका वडा नं. २ बस्ने बर्ष ६० श्रवण मण्डल र उनकी ५८ वर्षिय श्रीमति लक्ष्मी देवी मण्डललाई छोराले भगाएपछि त्रिपालमा बसेका छन् ।

हाईडरोसिफालस रोगले ग्रसित लक्ष्मी देवी मण्डललाई उनको एक मात्र छोराले घृणा गर्न थालेपछि दुई वर्षदेखि सडकपेटीको वास बसेर जीवन मृत्यूसँग संघर्ष गर्दै आईरहेका छन् ।

दुर्घटनाको क्रममा उनको बायाँ हात र खुटटा प्यारालाईज नै भएको छ , करिब ८ वर्ष अघि नै उनको सवारी दुर्घटनामा परी हात र खुट्टा प्यारालाईज भएपछि झन पीडा बढेको हो । आमा प्यारालाईज सहित हाईड्रोसिफालसको विरामी भएपछि उनको छोराले उनलाई घरबाट निकालेपछि श्रीमानको असल कर्तव्य निभाउनको लागि श्रवण पनि सँगै निस्केका हुन् ।

विराटनगरबाट यी जोडीहरुको बारेमा औपचारिक जानकारी आएपछि न्यूज ब्यूरोको टिमले तुरुन्तै एक्सनमा आएको थियो । न्यूज ब्यूरोबाट धनुषाका विनय कुमार यादवको नेतृत्वमा गएको समाचार सँकलन टिमले उनको प्रत्यक्ष जायजा लिएका हुन् ।

ब्यूरोकर्मी विनय कुमार यादवको रिपोर्ट अनुसार,

यी जोडी आफैँमा एक उदाहरण हुन । श्रीमान होस् त यस्तो जसले वैवाहिक बन्धनमा लिएको वाचालाई जीवन्त राख्दै विरामी र प्यारालाईज श्रीमतिको लागि आफ्नो ज्यान बेचेको छ ।

श्रवण आफैँ सिकिस्त छ, तैपनि गाउँ गाउँबाट मागेर ल्याएको केही खाना आफैँ नखाइकन भएपनि लक्ष्मीको लागि जसरी भएपनि ल्याउँछन् । श्रवणको च्यातिएको त्रिपालमा दुई कुकुर पनि छन् जो उनीहरुको सहयात्री बनेका छन् । श्रवणले लक्ष्मीको लागि ल्याउने गरेको खानाबाट दुई कालेलाई पनि खुवाउने गर्छन र उनीहरुलाई नै आफ्नो परिवार मान्दै रमाउने गर्दछन् ।

एक मात्र छोरा थिए, उ पनि आमा बुवालाई भगाएर जमिनजाथा बेच्दै दिल्ली बस्दै आएका छन् । विगत १५ वर्षदेखि दिल्ली बस्दै आएका उनका छोराले आमालाई देखेपछि घृणा गर्न थाले । त्यसपछि उनीहरुलाई घरबाट भगाएर आफू दिल्ली सेटल भएका छन् ।

लक्ष्मीको उपचारको लागि एक सुको पैसा छैन भने उनीहरु बस्दै आएका टन्कीसिनोबारी वडा नं. २ स्थित रहेको विराट मेडिकल कलेज टिचिँग अस्पताल र मेडिकल कलेज पनि सँगै छ । तर दुई वर्षदेखि यी जोडीलाई कसैले मदत नगरेको जानकारी पछि हाम्रो टिम उनीहरुको बारे जानकारी लिन पुगेका थिए ।

यी जोडीहरुको बारेमा पुरै विवरण लिएपछि लक्ष्मीको उपचारको लागि करिब १०० मिटरको दुरीमै रहेको विराट मेडिकल शिक्षण अस्पतालमा उपचारको लागि पहल गर्न गएको थियो । टिम विनय कुमार यादव र गुलाब मण्डल सहितको टिमले विराट मेडिकल कलेजको प्रशासन शाखासँग उनीहरुको उपचारको बारेमा कुराकानी गर्न भ्याए ।

कुराकानीको क्रममा विराट मेडिकल कलेजका पब्लिक रिलेसन एण्ड कम्युनिकेशन रिप्रजेन्टेटिभ म्यानेजर कृष्णराज कंडेलले यी जोडीको बारेमा केही थाहा नभएको प्रतिक्रिया दिए । हाम्रो टिमले ती जोडीलाई मानवताको हिसाबले भएपनि तुरुन्तै उपचारको लागि भर्ना गर्न म्यानेजर कंडेलसँग आग्रह गरे । कंडेलले आग्रह स्वीकार गर्दै अस्पतालका प्रमुख आएपछि यीनीहरुलाई भर्ना गर्ने आश्वासन समेत दिए ।

कंडेलले भने, हामीलाई यीनीहरुको बारेमा कोहीले जानकारी गराएनन् । यति नजिकै भएपनि लक्ष्मीको विरामीको बारेमा पनि जानकारी भएनन् । हिडनुस सँगै गएर हेरौ के छ स्थिति अनि कुरा अगाडी बढाउँला ।

यति भन्दै म्यानेजर कंडेलले हाम्रो टिमसँगै आएर उनको बारेमा विस्तृत जानकारी लिँदै अस्पताल प्रमुख बाहिर भएकोले आएलगत्तै उनलाई उपचारको लागि भर्ना गरिने प्रतिवद्धता जनाए ।

विगत २ वर्षदेखि वर्षा, पानी र जाडोमा एक मात्र च्यातिएको त्रिपालमा जीवन बिताउन बाध्य यी जोडी एक अटुट प्रेम जोडीको उदाहरण बनेका छन् तर मानवता नै हराएको ठाउँमा बीना रकमको लक्ष्मीको उपचार सम्भव नठानेपछि माया, ममता र स्नेहले उनलाई जीवन्त राख्दै आएका छन् ।