श्रीमतिलाई टुक्रा - टुक्रा पारी हत्या गर्ने साह यसरी पक्राउ परे - अपरेशन

मनिष शर्मा, काठमाडौँ । आफनै श्रीमतीको गत २०७० भदौ १८ गते हत्या गरी फरार भएका भंगहा नगरपालिका वडा नं. ९ अजगेवा निवासी ४२ वर्षिय कौशल किशोर साहलाई असई प्रमोद कुमार साहको कमाडमा खटिएको टोलीले गोप्य सुचनाको आधारमा जनकपुर जिरोमाईलबाट पाँच वर्षपछि पक्राउ गरेको जिल्ला प्रहरी कार्यालाय महोत्तरीका प्रवक्ता डिएसपी खगेन्द्र वहादुर खड्काले वताए छन । प्रहरीले अभियुक्त साहलाई थुनामा राखेका छन भन्ने अनुसन्धान पनि जारी नै छ ।

श्रीमानले निर्दइताका साथ गरेका थिए श्रीमतीको हत्या !

धनुषाको साविक सिनुरजोडा गाविस वडा नं. ९ र महोत्तरी को साविक हरिहरपुर हरिनमरी गाविस वडा नं. ९ को विचमा रहेको विग्ही नदीमो घाटी, हात, हत्केला, पाखुरा र औलाहरु टुक्रा टुक्रा पारि गाडिएको अवस्थामा करिव ३० वर्षिय महिलाको शव प्रहरीले फेला पारेको थियो ।

सोहि नदि भएर यात्रा गरिरहेका यात्रीहरुले गाडीएको शवको केही भाग देखेर प्रहरीलाई सुचना दिएका थिए । त्यसै सुचनाका आधारमा २०७० भदौ १८ गते तत्कालिन अवस्थामा पहिचान हुन नसकेको शव प्रहरीले फेला पारी तथा पोष्टमाटम गराई शवलाई दाहसंस्कार पनि गरेका थिए ।

प्रहरीले अनुसन्धान सुुरु गरेपछि २०७० असोज १३ गते मृतक मेरै दिदि संजु देवी साह हो र मेरै भिनाजुले उनको हत्या गरेको हो भनि मृतकको भाईले जिल्ला प्रहरी कार्यालय महोत्तरीमा किटानी जाहेरी दिएका थिए । त्यसै वेला देखि प्रहरीको मोस्ट वान्टेड सुचिमा रहेको कौशल किशोर साहको खोजी भैरहेको थियो भन्ने पाँच वर्ष दुई महिना २२ दिन बितदा पनि प्रहरीले फरार अभियुक्तलाई नियन्त्रणमा लिन सफल भएका छन् ।

मृतकको भाईले दिएको किटानी जाहेरीमा के छ त ?

मृतक संजु देवी साह र अभियुक्त साहको विवाह २०५५ सालको बैशाख महिनामा भएको र दुई भाई छोरा समेत रहेको किटानी जाहेरीमा मृतकका भाई ओमपाल साहले उल्लेख गरेका छन ।

जेठो भान्जा जनकपुरको एक विद्यालयमा कक्षा ५ मा पढदै गरेको र कान्छो भान्जा वर्ष ७ को रहेको उनले जनाएका छन ।
दिदीकै देवर संग मेरो अर्कि वहिनीले केहि वर्ष पछि प्रेम विवाह गरेका र उनीहरु गउकैे घरमा वस्दै आएका थिए भन्ने ओमपालले बताएका थिए ।

विवाह भएको केहि वर्षसम्म राम्रो दामपत्य जिवन वितिरहेको थियो तर २०६७ सालमा वैदेशिक रोजगारीको लागि मलेसिया गई २०७० साउन ८ मा फर्के पछि भिनाजुले विभिन्न व्यक्तिको कुरा सुनी भिनाजुले दिदिको चरित्रमाथी शंका गर्दै उनलाई नियमित कुटपिट र गाली गलौज गर्ने गरेका थिए ।

वच्चाहरुलाई पढाउनका लागी दिदि जनकपुरको तत्कालिन वडा नं. ४ मा डेरा गरि वस्दै आएकि थिईन भन्ने भिनाजु विदेशिएका थिए त्यसबेला । भिनाजु मलेसियाबाट फर्केको ४ या ५ दिनसम्म गाउकै घरमा वसेका थिए र त्यसपछि मात्र दिदि र मेरो भान्जाहरुलाई भेट्न आफ्नो आमासंग जनकपुर स्थित डेरामा गएका थिए साथै दिदिलाई कुटपिट गर्दै धाक धम्की समेत दिएका थिए ।

छोरीलाई भेट्न भनि मेरो वुवा पुग्दा दिदिको शरिरभरि निलडाम रहेको देखेका थिए तथा त्यसको एक साता पछि नै दिदीको हत्या भएको थियो ।

पुनः मेरो वुवा आमाले भदौ १२ गते दिदिलाई फोन गर्दाे तपाईको छोरी घर छोरेर भागेको र छोरीलाई खोज्नुस भनि मेरो भिनाजुले जवाफ फर्काएका थिए । त्यसैगरी आफु डेरामै रहेको र तिम्रो भिनाजुले झुठो वोलेको दिदीले भदौ १५ गते विहानै मलाई फोन गरेर बताएकि थिईन । फोनमा कुरा भएको केहि वेर पछि दिदि र भिनाजु गाउको घरमा गएको र साझ पुनः डेरामै फर्केका थिए ।

पुनः २०७० साल भदौ १६ गते दिदिलाई भेट्न भनि मेरो वुवा दिदिको डेरामा पुग्दा घरमा दिदि नदेखिएकि र भिनाजुले तपाईको छोरी भागी र छोरी खोज्नुस तपाईको छोरीको चरित्र ठिक छैन भनि वुवालाई भनेका थिए ।

हामीहरुले दिदिलाई सोहि वेला देखि खोज्दै गर्दा प्रहरीले विभत्स हत्या भएको अवस्थामा एक महिलाको लास फेला पारेको भनि विभिन्न व्यक्तिहरुबाट सुनेर आउदा मृतक आफ्नै दिदि भएको थाहा पाएको निवेदक मृतक महिलाका भाईको जाहेरी छ ।

फरार भएको समय अभियुक्तले कसरी बिताएका थिए त ?

मृतक संजु देवी साहको हत्या पछि अभियुक्त कौशल किशोर साहले दुई छोरा र आमा सहित डेरा सारेर बस्दै आएपछि जेठो छोरा विरामी भएमा उपचारको लागी दिल्ली गएका थिए भन्ने करीब ११ महिना दिल्लीमै बिताएका थिए ।

त्यहाबाट फर्केपछि भारतकै विहार राज्यमा पर्ने उमगांउमा उनले बसे तथा केहि समय पछी जनकपुर को भ्रमरपुरा चोक स्थित डेरामा फर्के । सो लगतै मधेश आन्दोलन चलिरहदा लुकिछिपी उनी कतार पुगे र करिव ३० महिना उनले कतारमै विताए तर नेपालको प्रशासनले समाउन सकेनन् ।

फेरी क्तारबाट फर्केको केहि महिना पछि नै प्रहरी उनलाई पक्राउ गर्न सफल भएको हो ।

फरार हत्यारा कसरी पक्राउ परे त ?

प्रहरीको फरार अभियुक्त सुचीमा रहेको कौशल किशोर साह विदेशवाट फर्के पछि जनकपुरमा टेम्पो चलाएर वसेका थिए भन्ने जिल्ला प्रहरी कार्यालय महोत्तरीका प्रमुख एसपी ईश्वरकार्कीले उक्त फाईल खोलेर हेर्दा घटना विभत्स देखेपछि असई प्रमोद कुमार साहलाई अभियुक्त खोज्न भनि जिम्मा दिएका थिए त्यसैगरी असई साहले करिव १५ दिनको अथक प्रयास र विभिन्न सुराकीहरु जुटाउदै अभियुक्त पक्राउ गर्न सफल भएका थिए ।

अभियुक्तलाई २०७५ मंसिर ९ गते पक्राउ गरि ११ गते पत्रकार सम्मेलन गरि सार्वजनिक गरिएको थियो साथै थुनामा राखी अनुसन्धान अगाडी बढाएको जिल्ला प्रहरी कार्यालयले बताएका छन् ।