आफ्नै श्रीमतिको टाउको, हात, खुट्टा टुक्रा पारी मार्ने पक्राउ

न्यूज ब्यूरो, महोत्तरी । आफ्नै श्रीमतीलाई विभत्स हत्या गरि फरार अभियुक्त पक्राउ परेका छन् ।

आफ्नै श्रीमती सन्जु देवी साहलाई हत्या गरी फरार रहेका महोत्तरीको भंगहा नगरपालिका बस्ने कौशल किशोर साह झण्डै ५ वर्षपछि पक्राउ परेका हुन् ।

महोत्तरीबाट खटेको विशेष अपराध अनुसन्धान प्रहरी टोलीले गत आइतवार जनकपुरको जिरोमाइलबाट टेम्पो चलाई रहेको अवस्थामा उनलाई पक्राउ गरी हिरासतमा राखेको हो ।

१८ भदौ २०७० मा कौशलले धनुषाको सिनरजोडा र महोत्तरीको हरिनमरिको बीचमा पर्ने बिगही खोलामा सन्जुकी घाटी, हात, पाखुरा, काटी टुक्रा टुक्रा पारेर जमिनमा गाडेर फरार भएको प्रहरीले जनाएको छ ।

प्रहरीले कौशललाई पक्राउ गरी कानुन बमोजिम अनुसन्धान कार्य जारी राखेको महोत्तरीका प्रहरी नायव उपरिक्षक खगेन्द्र बहादुर खडकाले जानकारी दिए ।