मिर्चैयामा १ करोडको लागतमा ‘डिप बोरिङ’ निर्माण गर्ने सांसद यादवको उद्घोष

न्यूज ब्यूरो, सिरहा । राजपा नेपालका अध्यक्षमण्डलका सदस्य तथा सिरहा निर्वाचन क्षेत्र नं. ४ का प्रतिनिधिसभा सांसद राजकिशोर यादवले आफ्नो संसदीय कोषको लगानीमा सिरहाको मिर्चैैया नगरपालिकामा डिप बोरिङ निर्माण गर्ने प्रतिबद्धता जनाएका छन् ।

मिर्चैया नगरपालिका–८ भगवतपुरमा बडादशैँ, शुभदीपावली तथा छठको अवसरमा मंगलबार आयोजित शुभकामना आदानप्रदान कार्यक्रममा सांसद यादवले किसानले भोग्दै आएको सिँचाइ समस्या समाधानका लागि डिप बोरिङ निर्माण गर्ने उद्घोष गर्नुभयो ।

आफ्नो संसदीय विकास कोषको करीब एक करोडको लागतमा निर्माण हुने डिप बोरिङको शिलान्यास छठलगत्तै हुने बताउनुभएको छ ।

त्यस डिप बोरिङले करीब १०० बिघा जमीनमा सिँचाइ पुग्ने विश्वास गरिएको छ ।