नौसय बिघामा मन्त्री यादवद्धारा झण्डा मेला उद्घाटन, सयौंले गरे फोरममा प्रवेश

न्यूज ब्यूरो, जनकपुरधाम । धनुषाको धनुषाधाम नगरपालिका ५ नौसय बिघामा महावीर झण्डा मेलाको उद्घाटन गरिएको छ । प्रत्येक वर्ष लाग्दै आएको पौराणिक झण्डा मेलाको मंगलबार प्रदेश २ सरकार आर्थिक मामिला तथा योजनामन्त्री बिजय कुमार यादवद्वारा उद्घाटन गरिएको हो ।

कार्यक्रममा मन्त्री यादवले मिथिलाको परम्परागत झरणी खेल देखेर उत्साहितता प्रकट गर्दै यस खेललाई प्रदेशदेखि राष्ट्रिय स्तरसम्म स्थापित गर्न पहल गर्ने प्रतिबद्धता जाहेर गर्नुभयो ।

यसैबीच, सोही कार्यक्रमको अवसरमा नेकपा र नेपाली कांग्रेसबाट पार्टी परित्याग गरी संघीय समाजवादी फोरम नेपालमा सयौंजनाले पार्टी प्रवेश गरेका छन् । तत्कालीन एमालेका पूर्व गाबिस उपाध्यक्ष जनार्दन मण्डल, नारायण मण्डल, सकुर राईन, जुंगी ठाकुर, बिल्टु यादव, उमेश ठाकुर, राम उदगार यादव, मखन मण्डल, लक्षमण पण्डित, राम शर्मा, ईन्दल यादव, दिनेश मण्डल, महन्थ कुर्मी, रामऔतार यादव, कृष्णा यादव, इन्द्रजित राउत, अबधी मुखिया, अशोक यादव, महेन्द्र मण्डल, दुखरन ठाकुर, ललन यादव, कृष्णा मुखिया, सतरोहन शर्मा, लतिफ राइन, जगदिश मण्डल, सागर यादव लगायत अन्यले नेकपा र कांग्रेस परित्याग गरी फोरममा प्रवेश गरेका हुन् ।

फोरमका जिल्ला अध्यक्ष चन्देश्वर महतोले २०६२/६३ आन्दोलनको क्रममा नौसय बिघाबाट मात्र एक दुईजना युवाले हामिलाई सघाएको र आज यतिको संख्यामा प्रवेश हुँदा खुशी हुँदै सबैलाई धन्यवाद ज्ञापन गरे ।

कार्यक्रममा गत केहि दिनअघि अचानक असामयिक निधन भएका स्थानीय फोरम कार्यकर्ता बिजय यादवको सम्मानमा १ मिनेट मौन धारण समेत गरिएको थियो । कार्यक्रममा स्वागत मन्तव्य बन्दना कर्ण र शुभकामना मन्तव्य बिशेश्वर मण्डलले राखेका थिए । कार्यक्रम नारायण यादव (धामी) ले संचालन गरेका थिए । कार्यक्रमको समापन मेला समितीका अध्यक्ष सागर यादवले गरेका थिए ।

कार्यक्रममा प्रदेश सरकारका आर्थिक मामिला तथा योजनामन्त्री बिजय कुमार यादव, संघीय समाजबादी फोरम नेपालका जिल्ला अध्यक्ष चन्देश्वर महतो, धनुषाधाम नगरपालिकाका मेयरका प्रत्यासी ज्ञान कुमार यादव, उपमेयरकी प्रत्यासी बन्दना कर्ण, नेता बिनोद यादव, जिल्ला सदस्य बिशेश्वर मण्डल, उमेश यादव लगायत स्थानीय नेता तथा कार्यकर्ता, बुद्धिजीवी, समाजसेवी, नागरिकसमाज लगायतको उल्लेख्य सहभागिता रहेको थियो ।