भविष्य सुरक्षित नभएपछि खेल छोड्न बाध्यः मुख्यमन्त्री राउत

न्यूज ब्यूरो, विरगँज । प्रदेश नं २ का मुख्यमन्त्री मो. लालबाबु राउत गद्दिले खेलाडीहरुको भविष्य सुरिक्षत नभएकै काण खेल छाड्न बाध्य भएको बताएका छन् ।

खेलकूदको विकासका लागि राज्यले आवश्यक लगानी नगर्दा प्रतिभावान खेलाडीसमेत खेल जीवनबाट पलायन हुन बाध्य भएको उनले बताए । पर्सा जिल्लाको जिराभवानी गाउँपालिकामा शनिबारदेखि शुरु भएको छैठौं परसावा गोल्डकप फुटबल प्रतियोगिताको उद्घाटन गर्दै राउतले खेलाडीहरुको भविष्य प्रदेश सरकारले सुरिक्षत गर्ने बताए ।

“खेलकूदमा लागेका युवा र तिनका आश्रित परिवारको भविष्यको सुनिश्चित नभएका कारण अन्तर्राष्ट्रिय प्रतियोगितामा पदक हासिल गर्ने प्रतिभा भएका खेलाडी बाध्य भएर खेलजीवन त्याग्ने गरेको छ ।” उनले भने ।

यसैगरी मुख्यमन्त्री राउतले शनिबार नै सखुवाप्रसौनी गाउँपालिकामा सञ्चालित भलिबल प्रतियोगिताको समापन अवसरमा बोल्दै आउँदो तिहार भित्रै करार विधेयक ल्याउन प्रदेश सरकार तयारी गरिरहेको जानकारी दिए ।