सिरियाली सरकारी वार्ता टोली जेनेभा शान्तिवार्तामा पुनः सहभागी

जेनेभा, स्वीट्जरल्याण्ड, २६ मङ्सिर : सिरियाली द्वन्द्वबारे छलफल गर्न स्वीट्जरल्याण्डको जेनेभामा शुरु भै स्थगित रहेको शान्तिवार्तामा सहभागिता जनाउन सिरियाली सरकारी टोली सोमबार जेनेभा पुगेको संयुक्त राष्ट्रसङ्घका सिरियाका लागि विशेष दूत स्टेफेन डे मिस्टुराले बताउनुभएको छ ।

सिरियाली सरकारी टोलीसँग निकट एक स्रोतले आफ्नो समूह डिसेम्बर २ मा साताको अन्त्यमा थप तयारी तथा आरामका लागि भनी स्थगित भएकोमा आइतबार वार्तास्थल आइपुगेको बताएको छ ।

राष्ट्रसङ्घले वार्ता डिसेम्बर ५ देखि शुरुहुने बताए पनि सिरियाली सरकारी टोली उक्त समयमा आएको थिएन ।
डे मिस्टुराले वार्ता शुरु हुनुपूर्व यस चरणमा दुई पक्षबीच देखिएको ठूलो समस्या भनेको आपसी विश्वासको कमी रहेको बताउनु भएको थियो ।

गत नोभेम्बर २८ मा शुरु भएको वार्ता डिसेम्बर १५ मा टुङ्ग्याउनेगरी तय भएको थियो ।