फेसबुकमा महिलाको अश्लिल फोटो राख्ने एक युवक जनकपुरबाट पक्राउ

न्यूज ब्यूरो, जनकपुरधाम । फेसबूकमा एक महिलाको अश्लिल फोटो पोष्ट गरेको आरोपमा धनुषा प्रहरीले एक युवकलाई पक्राउ गरेको छ ।

पक्राउ पर्नेमा जनकपुरधाम उपमहानगरपालिका वडा नं. १० रामानन्दचोक बस्ने बर्ष २० का दिवस कामत रहेको प्रहरीले जनाएको छ । कामतले ती महिलालाई आफूसँग अनैतिक सम्बन्ध दबाब दिएको र नमानेपछि अश्लील फोटो पोस्ट गरेको आरोपमा युवकलाई पक्राउ गरेको हो ।

कामतले फेसबूकमा फेक आईडी बनाएर महिला साथी बनाएको र त्यसमध्येकी एक महिलालाई अनैतिक सम्बन्ध बनाउन दबाब दिँदै आएका थिए । महिलाले अनैतिक सम्बन्ध राख्न नमान्दा कामतले उनको अश्लील फोटो फेसबुकमा राखेका थिए । धनुषा प्रहरीको कथन छ ।

फेसबुकमा सबैले देख्ने (पब्लिक पोष्ट) गरी अश्लील फोटो हालेको जाहेरीको आधारमा उनलाई पक्राउ गरी साइबर क्राइमसम्बन्धी मुद्दा दर्ता गरी थप अनुसन्धान अघि बढाएको हो ।

समाजिक सञ्जाल फेसबूकमा अधिकाँश फेसबुक आइडी फेक रहेको छ भने तराई मधेसमा यस्ता प्रवृति बढी भएको देखिएको छ ।