गोलबजारमा राजमार्गमै जल्यो पसल, पुगेन बारुण यन्त्र, स्थानीयले हाने नपामा ताला

न्यूज ब्यूरो, सिरहा । सिरहाको गोलबजारमा एक मासु पसलमा आगलागी भएको छ । ग्यासको सिलिन्डरबाट आगो लिक भएर आगलागी भएको हो ।

गोलबजार नपा ११ निवासी जाकिर खानले पूर्वपश्चिम राजमार्ग अन्तर्गत् गोलबजार ४ गोलबजारमा संचालन गरेको अफरिन मासु पसलमा मंगलबार अपरान्ह करिब ५ बजेको समयमा आगलागी भएको छ । आगलागीबाट १ थान फ्रीज, खाट, अन्दाजी ५० क्यारेट कुखुराको अन्डा, जस्ता पाता लगायतका अन्य सामानहरु जलेर नष्ट भएको गोलबजार प्रहरीले जनाएको छ ।

यता, आगलागी भएपछि पूर्णरुपले पसल जलिसक्दासम्म बारुण यन्त्र घटनास्थलमा नपुगेपछि आक्रोशित स्थानीयले नगरपालिकाको कार्यालयमा तालाबन्दी गरेका छन् । स्थानीयकै सहयोगमा आगोलाई नियन्त्रणमा लिइएको थियो ।