महोत्तरीमा दिनदहाडै लुटियो ५ लाख

न्यूज ब्यूरो, महोत्तरी । महोत्तरीमा दिनदहाडै पाँच लाख रुपैयाँ लुटिएको छ । महोत्तरीको गौशालाबाट एक व्यक्तिको साथबाट ५ लाख रकम लुटिएको हो ।

मंगलवार गौशालातर्फ आईरहेको समयमा गौशाला ५ स्थित मरहानदीमा अज्ञात समुहले मनरासिस्वा नगरपालिका निवासी विनोद चौधरीको साथबाट ५ लाख रुपैयाँ लुटिएको छ ।

ईलाका प्रहरी कार्यालय गौशालाका अनुसार पैसा लिएर आईरहेको समयमा एक मोटरसाईकलमा आएका तीन जनाको अज्ञात समुहले चौधरीको साथाबाट सो रकम लुटेका हुन् ।

घटनाबारे थप अनुसन्धान भईरहेको ईलाका प्रहरी कार्यालय गौशालाले जनाएको छ ।