गोलबजार हत्याकाण्डः हत्यामा प्रयोग गरिएको खुकुरी झाडीमा फेला

न्यूज ब्यूरो, सिरहा । सिरहाको गोलबजार नगरपालिका–३ मुसहर्नियाँमा गएराति हत्या गरिएको ४० वर्षीय हेमबहादुर तामाङको हत्यामा प्रयोग गरिएको खुकुरी घटना स्थलभन्दा करिब ४०–४५ मिटरको दुरीमा पुर्व दिशा तर्फ झाडीमा फेला परेको छ । प्रहरीले थालेको अनुसन्धानको क्रममा उक्त खुकुरी भेटिएको हो ।

तर, हत्यारा भने फरार रहेको छ । हत्यामा संलग्न व्यक्तिको खोजी कार्य तिब्र रुपमा भईरहेको जिल्ला प्रहरी कार्यालय सिरहाले बताएको छ ।

घटनाबारे अनुसन्धान प्रक्रिया अगाडि बढाइएको प्रहरीले जनाएको छ ।