संघर्ष जारी छ, माग सम्बोधन नभएसम्म लडिरहन्छौंः सांसद यादव

न्यूज ब्यूरो, सिरहा । राजपा नेपालका अध्यक्ष मण्डलका सदस्य तथा सिरहा निर्वाचन क्षेत्र नं. ४ का प्रतिनिधिसभा सांसद राजकिशोर यादवले संविधान संशोधन राजपाको मूख्य एजेण्डा रहेको बताएका छन् । राष्ट्रिय जनता पार्टी नेपाल विष्णुपुर गाँउपालिका इकाई कमिटिले आयोजना गरेको स्वागत अभिनन्नदन तथा घोषणा सभा कार्यक्रमलाई सम्वोधन गर्दै अध्यक्ष यादवले यस्तो बताएका हुन् ।

यादवले देश विकासको लागी वाधक नभएको स्पष्ट पार्दै मधेश विरोधी संविधान संशोधन नभएसम्म लडाई लडिरहने प्रतिबद्धता जाहेर गर्नुभयो ।

सांसद यादवले भने, वर्तमान सरकारले देखाउने चाल देखाईसकेको छ, हामीले संविधान संशोधनका लागी अगाडि बढेका थियौं तर, राजपाले विरोध गरेर संशोधन गर्न नदिएको आरोप नलागोस भन्ने अभिप्रायले मात्र सरकारको समर्थन गरेको अध्यक्ष यादवले स्पष्ट पारे । आफुहरुले देशको समृद्धिकै लागि नेकपाको सरकारलाई समर्थन दिएको समेत उहाँले बताउनुभयो ।

हामीले समर्थन गरेर सरकारको दूई तिहाई पुगाउँदा समेत अहिले पनि उही नाटक भएको उनले वताए । यो हाम्रो रणनितिक लडाई रहेको बताए । हामी मन्त्री बन्न होईन मधेशको हक र अधिकार सुनिश्चित्ताको लागी समर्थन गरेको वताए ।

सांसद यादवले राजपा नेपाल संविधान संशोधन नभएसम्म कदापी सरकारमा सहभागी नहुने अठोटमा बसेको उनले बताए । मधेशी जनताको मर्म र भावना विपरित सरकारमा गई मन्त्री पदमा वस्नु लज्जास्पद रहेको उनले थपे ।

#मिथिला रत्न सप्ताहिकको सहयोगमा