सिरहा ४ मा राजपाका अध्यक्ष राजकिशोर यादव निर्वाचित

बिनय यादव, सिरहा, २५ मंसिर । सिरहामा निकै कडा टक्कर भनीएको सिरहा निर्वाचन क्षेत्र नं. ४ बाट राजपा नेपालका अध्यक्ष मण्डलका सदस्य राजकिशोर यादव निर्वाचित भएका छन् ।

राजपाबाट यादवले जम्मा २१ हजार १ सय ४४ मत ल्याएका छन् भने उनका निकटतम प्रतिद्वन्दी वाम गठबन्धनबाट माओवादी केन्द्रका उम्मेदवार अजय शंकर नायकले १७ हजार ५ सय ७५ मत ल्याएर पराजित भएका छन् ।

यादवले नायकलाई झन्डै ३ हजार ५ सय ६९ मतले पछि पार्दै पराजित गरेका हुन । जिल्ला भरिकै चर्चाको विषय बनेका सिरहा निर्वाचन क्षेत्र नं. ४ बाट राज किशोर यादव र अजय शंकर नायकबीच अन्तिमसम्म कडा प्रतिस्पर्धा भएपनि आखिरकार नायकले हार बेहोर्नु परेको हो । सिरहा निर्वाचन क्षेत्र नं. ४ मा जम्मा ५२ हजार ६ सय ११ सदर मत खसेको थियो ।