न्यूज ब्यूरोको कडा प्रभाव : साथ र सहयोग पछि बबिताको जिवन फेरिदै

कोमल कर्ण |
महोत्तरी, ८ भदौ । महोत्तरीको रामगोपालपुर नगरपालिका वडा नं. ५ कि बबिता मररले साथ र सहयोग पाएपछि आफ्नो पढाईलाई निरन्तरता दिएकि छिन ।

उनी पढाईमा राम्रो भएपनि आर्थिक अभावकै कारण पढाई छोरेर घरमै वस्न वाध्य भएकि र न्युज ब्रोले बविता वारे केहि महिना पुर्व समाचार सम्प्रेसन गरे पश्चात सो सम्भव भएको हो ।

बबिता मरर बारे प्रभावकारी समाचारहरु

विद्यालय पढाई दिन वविताको कल्पित गुहार

न्यूज ब्यूरो समाचार प्रभाव : " वविताले पाईन प्रदेश सरकारको साथ"

न्युज व्युरोमा समाचार सम्प्रेसन भएपछि साँसद रानी तिवारी शर्माले उनको पढाईको सम्पुर्ण जिम्मेवारी प्रदेश सरकारले लिने घोषणा गरेकि थिईन । साथै रामगोपालपुर नगरपालिकाका मेयर अशोक कुमार मण्डलले तत्कालै बविता लाई कापी कलम लगायतका स्टेशनरी सामग्री सहयोग गरेका थिए ।

यता बविता र उनका भाई वहिनीको लागि प्रदेश सरकारको तर्फबाट साँसद रानी शर्मा तिवारीले विद्यालय पोसाक समेत उपलब्ध गराएपछि बविताले आफ्नो पढाइलाई निरन्तरता दिन सकेकि हुन ।

न्युज व्युरो बविताको घरमा पुग्दा उनी विद्यालय जान तयारी अवस्थामा रहेकि र आफु सोहि वेला देखि निरन्तर विद्यालय गईरहेको बताईन । हाल सोहि वेला पाएको कापी कलम अव समाप्त हुन लागेकोले थप कापी कलम लगायतका सामग्री आवश्यक पर्ने वताईन । उनी रामगोपालपुर स्थित महेन्द्र राष्ट्रिय माध्यमिक विद्यालयमा कक्षा ७ मा अध्ययनरत छिन ।

यता बविताले आफ्नो पढाईलाई निरन्तरता दिएपनि उनको जन्मदर्ता लगायतका कागजातहरु अझै बन्न सकेको छैन । उनको वुवा राम भुलो मररकै नागरिकताको प्रतिलिपी निकाल्नु परेकोले कागजात अझै बन्न नसकेको हो ।

शारिरिक हिसावले गर्हो काम गर्न नसक्ने राम भुलो गाउ गाउ डुलेर मांगेर खाने गरेका छन । मांगेको पैसाले नै हाल बविता लगायतका आफ्ना तिन छोरी र एक छोराको लागि खानाको जोहो गरिरहेका हुन ।