ट्रेड युनियनको आडमा शिक्षाको मूल मर्म विर्सनु हुदैन : शिक्षा मन्त्री पोखरेल

न्यूज ब्यूरो |
जनकपुरधाम, ८ भदौ । शिक्षा, विज्ञान तथा प्रविधि मन्त्री गिरिराजमणि पोखरेलले टूेड युनियनको आडमा शिक्षामा राजनीतिक नगर्न आग्रह गरेका छन् ।

उनले शिक्षक(शिक्षिकालाई टूेड युनियनमा बस्ने अधिकार नखोसे पनि शिक्षकको मूल मर्म विद्यालय र विद्यार्थीको गुणस्तर परिवर्तनमा लाग्न आग्रह गरेका हुन् । आजको न्यूजपेपर दैनिक पत्रिकामा समाचार छापिएको छ ।

जनकपुरधाममा आयोजना गरिएको विद्यार्थी भर्ना तथा साक्षरता अभिवृद्धि विषयक अन्तरक्रिया कार्यक्रममा शिक्षा मन्त्री पोखरेलले आर्थिक, समाजिक तथा सांस्कृतिक कारणहरुले समेत बालबालिका स्कुल आउनबाट बञ्चित रहेकोले उनीहरुको घरदैलो अभियान मार्फत कारण पत्ता लगाई स्कुल भर्ना अभियान चलाउने तयारी गरिरहेको बताए ।

उनले भने, ‘ईटा भा, होटेल, माईक्रोबस जस्ता स्थानहरुमा बालबालिकाहरुलाई काम गरेको देखेपनि सधैको मानसिकता कारण हामी त्यस्तालाई ध्यान दिदैनौं, के उनीहरुको लागि देशमा लोकतन्त्र गणतन्त्र नआएको हो ।’

उनले अनिवार्य शिक्षा ऐन संसदमा दर्ता गराईसकेको जानकारी गराउँदै ५ वर्ष सम्मका बालबालिकाहरुलाई कम्तिमा बाल शिक्षा पुरा गर्न लक्ष्यका साथ अगाडी बढेको बताए ।

उनले अनिवार्य शिक्षामा सहभागि नहुने व्यक्तिहरुको बैंक खाता, सरकारी सुविधासेवाहरु बञ्चित हुनु प्रावधान आउन लागेकाले सबैले अनिवार्य शिक्षामा सहभागि हुन ट्रेड युनियनको आडमा शिक्षकको मुल मर्म नविर्सिन शिक्षा मन्त्रीको आग्रह आग्रह गरे ।

उनले भने, अबको शिक्षा नीतिमा विश्विद्यालयहरुले विद्यार्थीहलाई पढाएर मात्र हुदैन, उनीहरुको सेटलमेन्टको व्यवस्था पनि गर्नुपर्छ, नभए पढाउन पाईदैन।’ मन्त्री पोखरेलले एकात्मक केन्द्रित सत्ताका कारण शिक्षा, स्वास्थ्य जस्ता अनिवार्य चिजहरु पछाडि परेकोले अब बालबालिकालाई विद्यालयमा भर्ना गराउनु मात्र नभई विद्यालयमा कसरी टिकाउने त्यसमा समेत आफुहरु लागेको बताए ।

उनले सामुदायिक शिक्षा प्रणाली अत्यन्त कमजोर भएपनि स्थानीय निकायको सहयोमा सुधार गर्नुपर्ने आवश्यकतामा जोड दिए । उनले भने, ‘सामुदायिक विद्यालयमा स्थानीय निकायले सहयोग गर्नुपर्छ, तर सहयोगको नाममा आफ्नो खल्तिबाट शिक्षक ल्याउनु चाही हुदैन् ।’

मन्त्री पोखरेलले भने । उनले शिक्षा र स्वास्थ्य सेवाको माध्यम भएकोले शिक्षकहरुलाई विशेषतः पठनपाठन, पाठ्यपुस्तक र मुल्याङ्नमा जोड दिन आग्रह गर्दै भने, ‘शिक्षामा क्रान्तिका लागि शिक्षक लाग्नुपर्छ ।

प्राध्यानाध्यापकहरु तथा शिक्षा अधिकारीहरु विद्यालयको भवन निर्माण गर्नु र बाँडनुमा भन्दा विद्यालय र विद्यार्थीको गुणस्तर बढाउन तिर लाग्नुस् ।, स्कुलमा विद्यार्थीसंग फि माग्ने होईन, फि त अभिभावकसंग पो माग्ने हो त, अब विद्यार्थीलाई विद्यालयमा हप्काउन, कुटन् तथा निष्काशन गर्न पाईदैन ।’

मन्त्री पोखरेलले अबको बजेटमा सामुदायिक विद्यालयलाई खाजाको व्यवस्था गर्न लागेको जानकारी भने, ‘प्लस २ बढ्ने विद्यार्थीले अनिवार्य रुपमा एउटा सिप सिकेको हुनुपर्छ, भन्ने मान्यता हाम्रो छ ।,

पहिलो स्कुलमा विद्यार्थी आउने, अनि शिक्षक आउने र पछि हेडमास्टर आउने प्रवृतिलाई अब पहिले हेस्मास्टर, पछि शिक्षक र अन्तिममा विद्यार्थी ल्याउने गृहकार्य थालिसकिएको छ ।’

शिक्षा मानव श्रोत केन्द्र विकासको आयोजनामा भएको कार्यक्रममा प्रदेश सांसद रामचन्द्र मण्डल, जनकपुर उपमहानगरपालिकाका मेयर लालकिशोर साह, उपमेयर रिता झा, विदेह नगरपालिकाका मेयर बेचन दास, हंसपुर नपाका उपमेयर रेणु झा सहितका वक्ताहरुले बोलेका थिए । आजको न्यूजपेपर दैनिकमा समाचार प्रकाशित गरिएको छ ।