महोत्तरीको औरहीबाट अबैद्य लागु औषध सहित ३ जना पक्राउ

बाबु प्रेम यदुवन्शी |
महोत्तरी, ८ भदौ । महोत्तरीमा अबैद्य लागु औषध सहित ३ जना पक्राउ परेका छन् । महोत्तरीको औरही २ स्थित सडकबाट बिहीबार दिउँसो ४ बजेको समयमा औरही प्रहरी चौकीले ३ जनालाई लागु औषध सहित पक्राउ गरेको हो ।

प्रहरीलाई उनीहरु माथि शंका लागेपछि चेक जाँचका क्रममा उनीहरुलाई पक्राउ गरिएको प्रहरीले जनाएको छ । उनीहरुको साथबाट १६ नाईट्रोशन ट्याबलेट बरामद गरिएको प्रहरीले जनाएको छ ।

उनिहरुले प्रयोग गरेको मोटरसाईकल प्रहरीले नियन्त्रणमा लिएको प्रहरी चौकी औरहीका प्रहरी ईन्जार्च शंकार श्रेष्ठले जानकारी दिनुभयो ।

पक्राउ परेकाहरुलाई ईलाका प्रहरी कार्यालय गौशालामा राखेर थप अनुसन्धान भईरहेको प्रहरीले जनाएको छ ।