अन्डरवल्ड डन दाउद ईब्राहिमको राईट ह्याण्ड पक्राउ, दाउदलाई कडा झटका

न्यूज ब्यूरो |
लन्डन, ३ भदौ । अपराधिक दुनियाँका वेताज बादशाह मानिएका अन्डरवल्ड डन दाउद ईब्राहिमको दायाँ हात भनिने फाईनान्स म्यानेजर जबिर मोतीलाई प्रहरीले पक्राउ गरेको छ ।

गत शुक्रबार मात्र मोतीलाई भारतका सुरक्षा एजेन्सीहरुले उनलाई पक्राउ गरी अदालतमा पेश समेत गरिसकेको छ ।

मोती डन दाउदको विदेशमा फैलिएर रहेको सम्पूर्ण कारोबारको हर हिसाब राख्दथे भने उनको गिरफ्तारी सँगै दाउदसँग सम्बन्धित थप रहस्य तथा महत्वपूर्ण जानकारीहरु हाँसिल हुने विश्वास लिइएको छ ।

डन दाउदको ड्रग तस्करी, फिरौती र अन्य अपराधमा सामेल भएका मोतीलाई पक्राउ गर्न भारतले समेत अपिल गर्दै मोस्ट वान्टेडको सुचिमा राखेको थियो ।

जानकारीका अनुसार, मोती अन्डरवल्ड डन दाउदको विशेष मान्छे मानिएको छ भने रकमसँग सम्बन्धित सबै मामीला उनले नै हेर्दथे । पक्राउ परेका जबिरको साथबाट फेला परेको पासपोर्ट अनुसार उनी पाकिस्तानी नागरिक हुन ।

मोतीले दाउदको मिडल ईस्ट, व्रिटेन, युरोप, अफ्रिका सहित कैयाँै अन्य देशमा समेत उनको कामको जिम्मेवारी सम्हालेका थिए । सुत्रका अनुसार, डन दाउद ईम्बं्राहिम पाकिस्तानको कराँचीमा रहदै आएको भारतीय सँचारमाध्यमहरुले उल्लेख गरेको छ ।