प्रधानमन्त्री ओलीले प्रदेश–२ प्रदेशसभालाई भोली सम्बोधन गर्ने
न्यूज ब्यूरो | जनकपुरधाम, १ भदौ । प्रधानमन्त्री केपी शर्मा ओलीले प्रदेश नम्बर–२ को प्रदेशसभालाई भदौ २ गते शनिबार सम्बोधन गर्ने कार्यक्रम तय भएको छ । नेकपाले जनकपुरमा बिहीबार पत्रकार सम्मेलन गरी सो कुराको जानकारी गराएको हो । कार्यक्रममा प्रधानमन्त्री ओलीसँगै नेकपाका अध्यक्ष पुष्पकमल दाहाल पनि आउने जा
२०७५ भदौ १ शुक्रबार, दिउँसो २:३६ बजे१ मिनेट पढाइ
न्यूज ब्यूरो |
जनकपुरधाम, १ भदौ । प्रधानमन्त्री केपी शर्मा ओलीले प्रदेश नम्बर–२ को प्रदेशसभालाई भदौ २ गते शनिबार सम्बोधन गर्ने कार्यक्रम तय भएको छ ।
नेकपाले जनकपुरमा बिहीबार पत्रकार सम्मेलन गरी सो कुराको जानकारी गराएको हो ।
कार्यक्रममा प्रधानमन्त्री ओलीसँगै नेकपाका अध्यक्ष पुष्पकमल दाहाल पनि आउने जानकारीसमेत दिइयो ।
धनुषाका सहिद रामवृक्ष यादवको २४औं स्मृतिसभामा सहभागी हुन उनीहरु दुवैजना धनुषा आउने कार्यक्रम रहेकामा प्रधानमन्त्री ओलीले शनिबार बिहान ११ बजे प्रदेशसभामा सम्बोधन गर्ने र त्यसपश्चात् धनुषाको बरमझियामा आयोजना हुने सहिद रामवृक्ष यादवको स्मृतिसभालाई सम्बोधन गर्न जाने नेकपा नेता एवं प्रदेश समिति कार्यदलका सदस्य विश्वनाथ साहले बताए ।
प्रधानमन्त्री ओलीले यसअघि प्रदेश नम्बर–१, ३ र ५ का प्रदेशसभामा सम्बोधन गरिसकेका छन् ।
नेता साहले पार्टीभित्र अन्तरविरोध हुनु स्वाभाविक भएको बताउँदै अहिले नेकपामा कुनै गुट–उपगुट नरहेको दाबी गरे ।
उनले भदौ ५ गतेभित्र प्रदेश र जिल्ला कमिटीको सदस्यकाबारेमा निर्णय गरी केन्द्रमा पठाउने जानकारी दिए ।
साभार: ईमेज खबर
कस्तो महसुस भयो ?
प्रतिक्रिया दिन साइन इन गर्नुहोस्
AI सारांश र अडियो स्वचालित रूपमा तयार गरिएको — सम्पादकीय निगरानीमा प्रकाशित।
टिप्पणी
आफ्नो विचार राख्न साइन इन गर्नुहोस्।
लोड हुँदै…