.png)
न्यूज ब्यूरो, जनकपुरधाम । धनुषाको क्षिरेश्वरनाथ नगरपालिका–८ दिगम्बरपुरमा १७ वर्षीया नवविवाहित किशोरीको शंकास्पद अवस्थामा मृत्यु भएको छ ।
स्थानीय दिनेश ठाकुरकी श्रीमती पूजा महतो गत शनिबार राति घरमै सुतिरहेको अवस्थामा मृत फेला परेकी हुन् । उनको घाँटीमा झुण्डिएको जस्तो डाम देखिएपछि प्रहरीले घटनालाई शंकास्पद मानेर अनुसन्धान अघि बढाएको जनाएको छ ।
.png)
घटनापछि प्रहरीले पूजाका पति दिनेश ठाकुर र उनकी सासूलाई सोधपुछका लागि नियन्त्रणमा लिएको थियो । पछि किरियाकर्मका लागि उनीहरूलाई छाडिएको प्रहरीले जनाएको छ ।
तर पूजाको माइती पक्षले उनको मृत्यु आत्महत्या नभई हत्या भएको दाबी गरेको छ । माइती पक्षले जिल्ला प्रहरी कार्यालय धनुषामा जाहेरी दिँदै घटनाको निष्पक्ष अनुसन्धान गरी दोषीमाथि कानुनी कारबाही गर्न माग गरेको छ ।
प्रहरीका अनुसार पूजा र दिनेश एउटै वडाका फरक–फरक टोलमा बस्ने तथा फरक जातका थिए । उनीहरूबीच प्रेम सम्बन्ध भएपछि परिवार तथा समाजले उमेर नपुगेको र अन्तरजातीय सम्बन्ध रहेको भन्दै सम्बन्ध छुटाउन पञ्चायतसमेत गरेको बताइएको छ ।
तर परिवार र समाजको असहमतिका बाबजुद उनीहरूले करिब सात महिनाअघि भागेर अन्तरजातीय विवाह गरेका थिए । विवाह भएको सात महिना नपुग्दै पूजाको घाँटीमा डाम देखिएको अवस्थामा शव फेला परेपछि घटनामाथि थप प्रश्न उठेको छ ।
इलाका प्रहरी कार्यालय सखुवा महेन्द्रका अनुसार घटनाबारे विभिन्न कोणबाट अनुसन्धान भइरहेको छ । पूजाको पोस्टमार्टम रिपोर्ट प्राप्त भएपछि मृत्युको कारणबारे थप तथ्य खुल्ने प्रहरीले जनाएको छ ।
प्रहरीले घटनामा संलग्नता वा मृत्युको वास्तविक कारण अनुसन्धानबाट मात्रै यकिन हुने जनाएको छ ।
मदरसाबाट भागेका तीन किशोरी घर फर्किए, मोबाइलकै विषयमा कुटपिट भएको प्रारम्भिक बयान
- २०८३ असोज १५ बिहीबार
न्यूज ब्यूरो, महोत्तरी । महोत्तरीको जलेश्वरस्थित मदरसाबाट भागेका तीन किशोरी अन्ततः घर फर्किएका छन् । जलेश्वर नगरपालिका–२ स्थित मदरसा सैईदा फातिमा लिल्बेनातबाट भदौ २७ गते शनिबार बिहान भागेका अन्दाजी १५, १६
पूरा पढ्नुहोस्
