.png)
न्यूज ब्यूरो, महोत्तरी । नेपाल विद्युत प्राधिकरण, जलेश्वर वितरण केन्द्रको आयोजनामा विद्युत सुरक्षा सम्बन्धी सचेतनामूलक कार्यक्रम सम्पन्न भएको छ ।
जलेश्वरस्थित श्री लचुमु माध्यमिक विद्यालयमा आयोजित कार्यक्रममा नेपाल विद्युत प्राधिकरण जलेश्वर वितरण केन्द्रकी इन्जिनियर विनिता मण्डलसहितको प्राविधिक टोलीले कक्षा ९ मा अध्ययनरत विद्यार्थीहरूलाई विद्युत सुरक्षासम्बन्धी जानकारी तथा प्रशिक्षण प्रदान गरेको हो ।
.png)
कार्यक्रममा विद्युतको सुरक्षित प्रयोग, विद्युत लाइन तथा विद्युतीय उपकरणबाट हुन सक्ने जोखिम, करेन्ट लाग्नबाट बच्ने उपाय तथा आपत्कालीन अवस्थामा अपनाउनुपर्ने सावधानीका विषयमा विद्यार्थीहरूलाई जानकारी गराइएको थियो ।
विद्युत उपकरण प्रयोग गर्दा अपनाउनुपर्ने सावधानी, विद्युत तार तथा लाइनबाट सुरक्षित दूरी कायम गर्ने उपाय र जोखिमपूर्ण अवस्थामा तत्काल अपनाउनुपर्ने सुरक्षा प्रक्रियाबारे समेत विद्यार्थीहरूलाई जानकारी दिइएको जनाइएको छ ।
विद्यार्थीहरूमा विद्युत सुरक्षासम्बन्धी ज्ञान अभिवृद्धि गर्दै सम्भावित विद्युतजन्य दुर्घटना न्यूनीकरण गर्ने उद्देश्यले कार्यक्रम आयोजना गरिएको नेपाल विद्युत प्राधिकरण जलेश्वर वितरण केन्द्रले जनाएको छ ।
WorldLink को महेन्द्रनगर ईस्ट ब्रान्चद्वारा वीरेन्द्रबजार फुटबल टिमलाई जर्सी वितरण, टीम बिजयी
- २०८३ असोज १३ मंगलबार
न्यूज ब्यूरो, जनकपुरधाम । महेन्द्रनगर ईस्ट ब्रान्चले वीरेन्द्रबजारका फुटबल खेलाडीहरूलाई टिम जर्सी वितरण गरेको छ । स्थानीय स्तरमा रहेका खेलाडीहरूको प्रतिभा र उत्साहलाई प्रोत्साहन गर्ने उद्देश्यले महेन्द्रनगर ईस्ट ब्रान्चले फुटबल टिमका
पूरा पढ्नुहोस्
