मधेशका कार्यवाहक मुख्यमन्त्रीमा मन्त्री मो. समिरलाई कार्यवाहकको जिम्मेवारी

न्यूज ब्यूरो, जनकपुरधाम । मधेश प्रदेशका मुख्यमन्त्री कृष्ण प्रसाद यादव धार्मिक प्रयोजनका लागि विदेश जाने भएका छन् । विदेश प्रस्थान गर्नुअघि मुख्यमन्त्री यादवले भौतिक पूर्वाधार विकासमन्त्री मोहम्मद समिरलाई कार्यवाहक मुख्यमन्त्रीको जिम्मेवारी तोकेका छन् ।

मुख्यमन्त्री तथा मन्त्रिपरिषद्को कार्यालयले शुक्रबार मन्त्री समिरलाई पत्र पठाउँदै २०८३ भदौ ६ गतेदेखि मुख्यमन्त्री यादव स्वदेश नफर्किएसम्मका लागि कार्यवाहक मुख्यमन्त्रीको जिम्मेवारी दिएको हो ।

मुख्यमन्त्री यादवले धार्मिक प्रयोजनका लागि नेपाल बाहिर जानुपर्ने भएकाले आफू विदेशमा रहँदासम्म प्रदेश सरकारको कार्यसम्पादनमा निरन्तरता दिन मन्त्री समिरलाई कार्यवाहक मुख्यमन्त्री तोकिएको पत्रमा उल्लेख छ ।

मुख्यमन्त्री तथा मन्त्रिपरिषद्को कार्यालयका अनुसार मधेश प्रदेश सरकार ९कार्यसम्पादन० नियमावली, २०८० को नियम १४ को उपनियम ९३० बमोजिम मन्त्री समिरलाई कार्यवाहक मुख्यमन्त्रीको जिम्मेवारी तोकिएको हो ।

मुख्यमन्त्री यादवले मन्त्री समिरलाई सम्बोधन गर्दै पठाएको पत्रमा आफू विदेशमा रहँदासम्म कार्यवाहक मुख्यमन्त्रीका रूपमा जिम्मेवारी निर्वाह गर्न जानकारी गराइएको छ ।

यससँगै मुख्यमन्त्री यादवको अनुपस्थितिमा प्रदेश सरकारको प्रशासनिक तथा कार्यकारी जिम्मेवारी मन्त्री समिरले सम्हाल्ने भएका छन् ।