नेपाल पत्रकार महासंघ धनुषाको ३ थान कम्प्यूटर पदाधिकारीहरुले चोरे, चुनाव जित्न चोर–चोर मसियौत भाई ?

न्यूज ब्यूरो, जनकपुरधाम । अन्य ठाउँमा हुने् चो्रीका घटनाहरुको समाचार लेख्ने विभिन्न दलिय पत्रकारहरुकै छाता संगठन नेपाल पत्रकार महासंघ धनुषा शाखाबाट २ थान सिपियू र १ थान ल्यापटप चोरी भएको छ ।

विभिन्न समयमा दाताहरुले दिएका कम्यूटरको सिपियू र ल्यापटप चोरी भएको नेपाल पत्रकार महासंघ धनुषा शाखाका एक पदाधिकारीले बताए । उनका अनुसार, निवर्तमान पदाधिकारीको कार्यकालमा सो कम्पयूटर सेटहरु चोरी भएको हो ।

“कम्यूटरको २ वटा सिपियू महासंघका कैयौँ महिनादेखि छैनन् । मोनिटर जस्ताको त्यस्तै राखिएको छ । तर, सिपियू नै छैन । एउटा ल्यापटप समेत गायब छ ।”– नाम नखोल्ने शर्तमा एक वर्तमान पदाधिकारीले भने ।

निवर्तमान कार्यकालमा कोषाध्यक्ष रहेका रामकमल महतो (राजकमल सिँह) ले वर्तमान कार्यकालका पदाधिकारीलाई जिन्सीको समान नबुझाएको महासंघ धनुषाका अध्यक्ष पुरन गुप्ताले जनाए । उनका अनुसार, अघिल्लो कार्यकालका पदाधिकारीले नयाँ कार्यकालका पदाधिकारीहरुलाई जिन्सी बरबुझारथ गर्नुपर्नेमा सो लिखित नभएको र कुनै रेकर्ड नरहेको बताए ।

एक पदाधिकारीका अनुसार, निवर्तमान उपसचिव गोबिन्द महतोले मर्मतका लागि दिएको बताए । अघिल्लो कार्यकालदेखि सो सिपियू मर्मतमै रहेको हुनै नसक्ने बताउँदै उनले कम्प्यूटर कब्जा भएको दाबी गरे । यता महतोले भने आफू कसैलाई नदिएको वा नबुझेको बताए । उनले यदि म मर्मतको लागि दिएको होला भने कसको आदेशमा ? त्यहाँ पदाधिकारीहरु त थियो नी ? कि त जबरदस्ती दिएको भनेर भन्नुपरो । उनले सोही पदाधिकारीहरुले ल्यापटप कसले चोरी गरेको बारे बताउनुपर्ने बताए ।

यता, पूर्व उपसचिव गोबिन्द महतोले भने उपसचिवको कामकाज आफूलाई भलिभाँती थाहा रहेको बताउँदै आफ्नो त्यसमा कुनै संलग्नता नरहेको बताए । उनले वर्तमान पदाधिकारीहरुले अहिलेसम्म सो कम्प्यूटरको लागि कुनै ताकेदा नगर्नु र चुनाव नजिक हुँदा बोल्नु मिलोमत्तो हुन सक्ने आशंका गरे । उनले त्यतिबेला वर्तमान अध्यक्ष सचिव थिए भने अनिल मिश्र अध्यक्ष रहेको बताए । निवर्तमान अध्यक्ष मनिका झाको कार्यकालमा रामकमल महतो जिन्सी र कोष सम्हालेका थिए ।

निवर्तमान अध्यक्ष मनिका झाका अनुसार, कोषाध्यक्षले प्रदेश सरकारबाट प्राप्त २० लाख रुपैयाँको बजेटबाट जिप्सम सेटिँग हुँदा सोही बखत कम्प्यूटरहरु यताउता भएको जानकारी भएको बताए । यद्यपी, यसबारे आफूलाई जानकारी नभएको थपिन् ।

यस सन्दर्भमा निवर्तमान रामकमल सिँहको एनटिसी र एनसेलको प्रचलित नम्बरमा सम्पर्क गर्दा सम्पर्क हुन सकेनन् ।