मधेशमा एलपीजी ग्यासको हाहाकार, सिलिन्डर बोकेर डिलर धाउँदै उपभोक्ता
केही उपभोक्ताले बजारमा कृत्रिम अभाव सिर्जना गरी कालोबजारी हुन सक्ने आशंका व्यक्त गरेका छन् । ठूला होटल तथा व्यवसायीलाई बढी मूल्यमा ग्यास उपलब्ध गराइएको भन्ने गुनासोसमेत आए पनि यसको आधिकारिक पुष्टि भएको छैन ।

२०८३ साउन १९ मंगलबार, बिहान ८:२१ बजे१ मिनेट पढाइ
न्यूज ब्यूरो, जनकपुरधाम । मधेश प्रदेशका अधिकांश जिल्लामा खाना पकाउने एलपीजी ग्यासको आपूर्ति प्रभावित भएपछि उपभोक्ता मारमा परेका छन् ।
जनकपुरधाम, वीरगञ्ज, लहान, राजविराज, मलंगवा, गौर र कलैयालगायतका मुख्य बजारमा एक सातादेखि ग्यास सहज रूपमा उपलब्ध हुन सकेको छैन । उपभोक्ताहरू खाली सिलिन्डर बोकेर डिलरदेखि डिलरसम्म धाउन बाध्य छन् ।
जनकपुरधामका रामानन्द चोक, पिडारी चोक, थापा चोक, भानु चोक, मुरली चोक र पेठिया बजारलगायतका क्षेत्रमा रहेका अधिकांश डिलरले ग्यास सकिएको भन्दै उपभोक्ताको नाम टिपेर फर्काउने गरेका छन् । कतिपय डिलरले पसल नै बन्द गरेका छन् ।
ग्यास अभावको प्रत्यक्ष असर घरपरिवारसँगै होटल, रेष्टुरेन्ट तथा साना व्यवसायमा परेको छ । विशेषगरी विद्यार्थी, स्वास्थ्यकर्मी, मजदुर तथा साना होटल सञ्चालकलाई खाना पकाउन समस्या भएको छ ।
केही उपभोक्ताले बजारमा कृत्रिम अभाव सिर्जना गरी कालोबजारी हुन सक्ने आशंका व्यक्त गरेका छन् । ठूला होटल तथा व्यवसायीलाई बढी मूल्यमा ग्यास उपलब्ध गराइएको भन्ने गुनासोसमेत आए पनि यसको आधिकारिक पुष्टि भएको छैन ।
ग्यास व्यवसायी संघ धनुषाका अध्यक्ष फुलदेव पण्डितले भने ग्यास अभाव कृत्रिम नभएको दाबी गरेका छन् । उनका अनुसार सुनसरी घटनापछि लगाइएको कर्फ्यु, निषेधाज्ञा र यातायात अवरोधका कारण करिब एक सातासम्म ग्यास बोकेका ट्यांकर सञ्चालन हुन नसक्दा आपूर्ति प्रभावित भएको हो ।


















टिप्पणी
आफ्नो विचार राख्न साइन इन गर्नुहोस्।
लोड हुँदै…