मोरँगका प्रशासनले भन्यो–चाडपर्व, बिहे, धार्मिक कार्यक्रम, पार्टीउत्सवमा डिजे नबजाउनु

न्यूज ब्यूरो, जनकपुरधाम । जिल्ला प्रशासन कार्यालय मोरँग विराटनगरले धार्मिक कार्यक्रम, चाडपर्व, बिहे लगायत अन्य कार्यक्रममा डिजे नबजाउन निर्देशन जारी गरेको छ ।

मोरँगका सहायक प्रमुख जिल्ला अधिकारी पवन राज कोईरालाले जारी गरेको निर्देशनमा कुनै पनि धार्मिक कार्यक्रम, चाडपर्व, पार्टी उत्सव, विवाह समारोहमा डिजे नबजाउन आग्रह गरिएको हो ।

सुनसरी देवानगँजको घटनालाई मध्यनजर गरी जिल्ला प्रशासन कार्यालय मोरँगले अर्को सूचना जारी नभएसम्म यो निर्देशन लागू हुने जनाइएको छ ।