.png)
न्यूज ब्यूरो, जनकपुरधाम । जनकपुरमा एक युवकले आफ्नै काकाकी छोरीमाथि धारिलो हतियार प्रहार गरी गम्भिर घाईते बनाएको घटना बाहिरिएको छ ।
जनकपुरधाम उपमहानगरपालिका वडा नं. २२ बसबिट्टीस्थित बस्ने स्थानीय अवधेश रायका २४ बर्षिय छोरा आकाश राय उर्फ सदानन्द रायले आफ्नै काकाकी छोरी ५ बर्षिय लक्ष्मी रायलाई घरमा बोलाएर घाँटी, टाउकोमा धारिलो हतियार प्रहार गरेको आरोप छ । स्थानीय सुरेश रायकी छोरीमाथि प्रहार भएको हो ।
जमिनको विवादलाई लिएर ५ बर्षिय अवोध बालिकालाई आफ्नो घरमा बोलाएर सदानन्दले धारिलो हतियार प्रहार गरेको स्थानीयहरुले बताएको छ । ५ बर्षिय बालिका लक्ष्मीलाई घरमा बोलाएर उनको घाँटी, टाउकोमा हथियार प्रहार भएको थियो । साथै, उनको शरिरमा केयौँ पटक चाकुले प्रहार गरेको पाईएको हो ।
शनिबार दिउँसो करिब ३ः३० बजेको समयमा घटना भएको स्थानीयहरुले जनाएको छ । बालिका लक्ष्मीलाई रक्ताम्य पारी आफ्नै घरको सन्दुकमा प्याक गरेको बताईएको छ । बालिकासँगै खेल्दै आएकी स्थानीय एक बालिकाले लक्ष्मीको परिवारलाई सबै कुरा भनेपछि घटना बाहिरिएको थियो ।
उनको घरमा जाँदा स्थानीयहरुले लक्ष्मीलाई बेहोस र रक्ताम्य अवस्थामा सन्दुकमा भेटिएको थियो । उनलाई तत्कालै एम्बुलेन्स मार्फत विराटनगर रिफर गरिएको जनाइएको छ । उनको उपचार विराटनगरमै भईरहेको छ भने अवस्था गम्भिर रहेको छ ।
यता, आरोपित सदानन्द राय भने शनिबारदेखि नै सम्पर्कविहिन भई फरार भएको जनाइएको छ । सदानन्दको बुवा केही बर्ष अगाडी बितेपछि जमिनी विवाद चल्दै आएको थियो । सोही आवेगमा उनले यस्तो घटना गरेको जनाईएको छ । हाल फरार रहेका उनलाई खोजी कार्य तीव्र पारिएको हो ।
धनौजी गाउँपालिकाको १५औँ गाउँसभामा नीति तथा कार्यक्रम प्रस्तुत, ६० करोड ५५ लाखको बजेट अनुमान
- २०८३ श्रावण ३ आइतबार
न्यूज ब्यूरो, जनकपुरधाम । धनुषाको धनौजी गाउँपालिकाको १५औँ गाउँसभा सम्पन्न भएको छ। गाउँसभामा आगामी आर्थिक वर्ष २०८३/८४ का लागि नीति तथा कार्यक्रम प्रस्तुत गर्नुका साथै रु. ६० करोड ५५ लाख
पूरा पढ्नुहोस्
