धनुषाः आफ्नै दरबाजामा राखिएको दुई ट्रिपरमा आगजनी, एक जलेर ध्वस्त, लाखौँको नोक्सान

न्यूज ब्यूरो, जनकपुरधाम । धनुषाको शहिदनगर नगरपालिका वडा नं. १ पुराना चिरैयास्थित एक जनाको ट्रिपरमा आगजनी गरिदिँदा जलेर ध्वस्त भएको छ ।

स्थानीय सरोज यादवको दरबाजामा पार्किँग गरि राखिएको दुईवटा ट्रिपरमा आगजनी भएको जनाईएको छ । शनिबार राती घरमै रोकी राखिएको ना १ प ८७१७ र प्रदेश २–०४–००१ ख ००६६ को ट्रिपरमा आगजनी गरिदिएको आरोप छ ।

स्थानीय दुश्मनले आगजनी गरेको आरोप यादवको छ । उनका अनुसार, आगजनी गर्ने व्यक्तिको पहिचान भईसकेको र कानुनी प्रक्रियामा जाने तयारी गरिएको यादवले थपे ।

ट्रिपरमा राती १२ बजेको समयमा आगजनी गरिएपछि दनदनी आगो बल्दा मात्र जागेको उनले बताए । १२ः२६ मा हेरेपछि दनदनी आगो बलेको थियो । पाईप काटेर आगो लगाएको उनको आरोप छ ।

आगलगीबाट ६० लाख बढीको क्षति भएको जनाइएको छ । यसबारे ईलाका प्रहरी कार्यालय यदुकूहाले अनुसन्धान सुरु गरेको जनाइएको छ ।