सिरहाः बाबातालमा बेवारिसे अवस्थामा एक महिलाको शव फेला

न्यूज ब्यूरो |

सिरहा, २४ साउन । सिरहामा एकाबिहानै एक महिलाको शव फेला परेको छ । सिरहाको कर्जन्हा नगरपालिका–१ बाबातालस्थित सडकको छेउमा रहेको पानीमा बिहिवार एकजना महिलाको फेला परेको हो ।

ईलाका प्रहरी कार्यालय मिर्चैयाका डिएसपी दिपेन्द्र शाहका अनुसार बिहीबार बिहान करिब साढे ७ बजेको समयमा बाबातालस्थित सडकको छेउमा रहेको पानीमा स्थानीयहरुले सो महिलाको शव बेवारिसे अवस्थामा भेटेपछि प्रहरीलाई खबर गरेको थियो ।

सो ठाउँमा प्रहरीको टोली पुगेर मृतकको शव ईप्रका मिर्चैयामा ल्याएर राखिएको छ । शव परीक्षणका लागि लहान लैजाने तयारी भइरहेको डिएसपी शाहले बताए ।

मृतक महिलाको पहिचान भने हुन नसकेको र अन्दाजी करिब ३०–३५ वर्षकी रहेको ईप्रका मिर्चैयाले जानकारी दिएको छ ।

घटनाबारे थप अनुसन्धान भइरहेको ईप्रका मिर्चैयाका डिएसपी शाहले बताउनुभयो ।