महोत्तरीको औरही नगरपालिकाले अझै सार्वजनिक गरेन बजेट, खुलेआम चेकमार्फत कारोबार

बाबु प्रेम यदुवन्शी |
महोत्तरी, २३ साउन । महोत्तरीको औरही नगरपालिकाले साउनको अन्तिम साता वित्न लाग्दा समेत आर्थिक बर्ष २०७५/०७६ को वजेट सार्वजानिक गरेको छैन । नेपाल सरकारले सम्पूर्ण स्थानियतहलाई असारमसान्तभित्रै आर्थिक बर्ष २०७५/०७६ को बजेट सार्वजानिक गर्नका लागि निर्देशन दिएतापनि यहाँका स्थानियतहहरुले सोको पालना नगरेको पाईएको छ ।

औरही नगरपालिकाका प्रमुख प्रशासकीय अधिकृत वासुप्रसाद काफलेले नगरको वजेट अन्तिम तयारीमा रहेकोले केही दिनमै बजेट तयारी भईरहेको जनाएको छ । केही प्राविधिक कारणले समयमा वजेट सार्वजानिक गर्न नसकेको अधिकृत काफलेले बताउनुभयो ।

यस सम्बन्धमा नगरप्रमुख सुनिल कुमार यादवले सकभर साउन मसान्तभित्रमा बजेट सार्वजानिक हुने धारणा राख्नुभयो । बजेट सार्वजानिक नहुँदा नगरपालिकाले आर्थिक सम्बन्धि कुनै किसिमको कारोबार गर्न सकेको छैन ।

यता, नगरपालिकाभित्र दिनहुँ चेकमार्फत उपभोक्ता समितीलाई वाँकी फछर्यौटको कामकाज भईरहेको पाईएको छ । असार मसान्तसम्ममा चेक काटन वन्द गरिने प्रावधान रहेतापनि औरही नगरपालिकाले खुलेआम रुपमा चेकमार्फत कारोबार गर्नु शंकास्पद रहेको स्थानियहरुले प्रतिक्रिया दिएका छन ।