धनुषामा ट्रान्सफर्मर चोरी घटनाः छुटेको लाईसेन्सले खोलिदियो चोरीको पोल, गाडीसहित महोत्तरीका एक युवक पक्राउ

न्यूज ब्युरो, जनकपुरधाम । धनुषाको धनुषाधाम नगरपालिका वडा नं. ५ नौसय र पर्वताको बीचमा रहेको कृषि ट्रान्सफर्मर चोरीमा संलग्न एक युवकलाई प्रहरीले पक्राउ गरेको छ ।

प्रहरीचौकी नौसयविघा (उमाप्रेमपुर) का ईन्चार्ज असई अजय कुमार झाले शुक्रबार राती ट्रान्सफर्मर चोरीको प्रयास गरेको आरोपमा महोत्तरीका एक युवकलाई पक्राउ गरेका छन् ।

शुक्रबार राती करिब १२ देखि १ बजेको समयमा कृषि ट्रान्सफर्मर चोरी गर्दै गर्दा प्रहरी पुगेपछि गाडी छाडेर भागेको थिए । भारतीय नम्बर प्लेटको चारचक्के सवारी चेकजाँ गर्दा महोत्तरीको फुलहट्टा बस्ने विक्की कुमार साह सोनारको लाईसेन्स भेटिएको थियो । सोही ठेगानाको चेकजाँच गर्दै जाँदा लाईसेन्सको आधारमा सोनालाई पक्राउ गरी धनुषा ल्याएको छ ।

प्रहरी असई झाको गस्ती टोलीले ट्रान्सफर्मर चोरीबाट बचाउनुको साथै पहिलो पटक विद्युतिय ट्राफन्सफर्मर चोरीमा संलग्न आरोपमा पक्राउ समेत गर्न सफल भएका हुन् ।

सोनारलाई पक्राउ गरी थप अनुसन्धानको लागि जिल्ला प्रहरी कार्यालय धनुषा पठाइएको हो ।