सीमा सम्बन्धी प्रधानमन्त्री बालेनको अभिव्यक्ति रेकर्डबाट हटाउनुसः हर्क साम्पाँग

न्यूज ब्यूरो, काठमान्डौँ । सत्तारुढ दल केपी शर्मा ओली र प्रमुख प्रतिपक्षी पुष्पकमल दाहाल आज एक सार्वजनिक कार्यक्रममा एउटै मञ्चमा देखिने भएका छन्। कार्यक्रममा प्रमुख अतिथिका रूपमा पूर्वराष्ट्रपति विद्यादेवी भण्डारी सहभागी हुने कार्यक्रम रहेको छ।

मदन भण्डारी फाउण्डेसन ले जननेता मदन भण्डारी को ७५औँ जन्मजयन्तीको अवसरमा आज असार १४ गते राष्ट्रिय सभागृह मा ‘नेपालको कम्युनिष्ट आन्दोलन र जननेता मदन भण्डारी’ विषयक राष्ट्रिय गोष्ठी आयोजना गर्न लागेको हो।

गोष्ठीमा ओली र प्रचण्डसँगै माधव कुमार नेपाल, झलनाथ खनाल तथा उपेन्द्र यादव ले पनि सम्बोधन गर्ने कार्यक्रम तय भएको छ।

पछिल्लो समय फरक–फरक राजनीतिक धारमा सक्रिय रहेका प्रमुख कम्युनिस्ट नेताहरू एउटै मञ्चमा उपस्थित हुने भएकाले यस कार्यक्रमलाई राजनीतिक वृत्तमा विशेष चासोका साथ हेरिएको छ। कार्यक्रममा मदन भण्डारीको राजनीतिक विचार, योगदान र नेपाली कम्युनिस्ट आन्दोलनको वर्तमान अवस्थाबारे छलफल हुने जनाइएको छ।

विशेषगरी गत असार १२ गते विराटनगरमा आयोजित एक कार्यक्रममा प्रचण्डले ‘समाजवादी मोर्चामा रहेका दलबीच छिट्टै एकता हुने र एमालेसँग सहकार्यको सम्भावना रहेको’ अभिव्यक्ति दिएका कारण पनि आजको साझा उपस्थितिलाई राजनीतिक रूपमा अर्थपूर्ण रूपमा हेरिएको छ। यद्यपि, आजको कार्यक्रम मदन भण्डारीको जन्मजयन्तीका अवसरमा आयोजना गरिएको वैचारिक गोष्ठी भएकाले यसलाई औपचारिक राजनीतिक सहकार्यसँग जोडेर कुनै आधिकारिक धारणा सार्वजनिक गरिएको छैन।