गिद्धाबेलापट्टि स्कूलमा विद्यार्थीमाथि छुरा प्रहारपछि बच्चालाई १३ वटा टाँका, डरले छाडिदिए पढाई

न्यूज ब्यूरो, जनकपुरधाम । जनता नमुना मावि गिद्धाबेलापट्टि स्कूलमा भएको छुरा प्रहार प्रकरणपछि बच्चा डरले सो विद्यालयबाट पढाई नै छाडिदिएको पाइएको छ ।

गत २०८१ चैत्त ७ गते शुक्रबारका दिन नमुना मावि गिद्धाबेलापट्टि स्कूलमा पढन गएका धनुषा कमला नगरपालिका वडा नं. ३ लगमा बस्ने राजाराम मण्डलका १२ बर्षिय (हाल १३) दिपेश मण्डलमाथि सोही विद्यालयका एक विद्यार्थीले छुरा प्रहार गरी घाईते बनाएका थिए । त्यसपछि उनले सुरक्षाको प्रत्याभूति नपाउँदा उनले सो विद्यालय छाडन बाध्य भएको अभिभावक बताउँछन् ।

साना बच्चाबुच्चीको विवादमा विदेह नगरपालिकाको बफै बस्ने एक विद्यार्थीले धारिलो चक्कु (छुरा) प्रहार गरी घाईते बनाएका थिए । उनको छातीको दायाँ भागमा छुरा प्रहार हुँदा उनी घाईते बने । भित्रसम्म गहिरो घाउ लागेका दिपेशलाई तत्कालै तिनकोरियास्थित एक क्लीनिकमा भर्ना गरिएको थियो । त्यहाँ उनलाई १३ वटा टाँका लागेको उनका काका धनिराम मण्डलले बताए ।

स्कूलको अँग्रेजी माध्यमतर्फ कक्षा ५ मा अध्ययनरत दिपेशमाथि सोही कक्षामा पढने विदेह नगरपालिकाको बफै बस्ने उमेश मण्डलका १२ बर्षिय छोरा विकास मण्डलले छुरा प्रहार गरेका थिए ।

हेडमास्टरको गैर जिम्मेवार अभिव्यक्ति
गिद्धा बेलापट्टिका प्रधानाध्यापक पवन मण्डलले छुरा प्रहारको घटनामा गैर जिम्मेवार अभिव्यक्ति दिएका छन् । घटनाको एक बर्षपछि उनले गैर जिम्मेवार अभिव्यक्ति दिएका हुन् । उनले छुरा प्रहार नभई स्केलले मजाक मजाकमा खेलेको जस्ता गैरजिम्मेवारीपूर्ण अभिव्यक्ति दिएका हुन् ।
प्रहार गरिएको छुरा:

न्यूज ब्यूरोमा समाचार आएको सन्दर्भमा उनले समाचार नै गलत लेखेको दाबी गर्दै छुरा प्रहारको घटनालाई उनले साधारण लिँदै आफू चोखिन खोजे । १३ वटा टाँका लगाइएका बच्चालाई करिब ५ दिनसम्म जनकपुरको धनुषा हस्पिटलमा भर्ना गरियो । अझै पवन मण्डलले भने स्केलले हँसी मजाक मात्र गरेको दाबी गर्छन् ।

कुरकुरमा आउने छुराले प्रहार
केही दिन अगाडी भारतबाट आउने कुरकुरमा धारिलो छुरा (चक्कु) पनि पाइन्थ्यो । भारतबाट खेलौना स्वरुप आउने धारिलो हतियारले बच्चामाथि प्रहार भएको थियो । जसले उनलाई गहिरो घाउ दियो । १३ वटा टाँका लाग्ने घाउ साधारण हुन सक्दैन भनेर उनका काकाले बताए ।

यस्तो कुरकुरको प्याकेटमा आउने छुरा (हाल बन्द छ)

धारिलो छुरा प्रहारको घटनापछि आफ्नो प्रतिष्ठा जोगाउन र विद्यालयभित्रको बेतिथि दबाउन हेडमास्टर पवन मण्डलले छुरा प्रहारको घटनालाई समान्य रुपमा बताए । जसको कारण बच्चा डरले सो स्कूलबाट पढाई नै छोडनुपरेको प्रतिक्रिया दिएका छन् । स्कूलको प्रतिष्ठामा पर्ने र आफ्नो कार्य सम्पादन, अनुसशानमाथि प्रश्न उठने डरले मण्डलले यस्ता घटनालाई दबाएका थिए । यद्यपी, न्यूज ब्यूरोले सो समाचार प्रकाशित गरेका थिए ।

विद्यार्थीलाई १३ टाँका लागेर भर्ना समेत गरिएको पुष्टि धनुषा अस्पताल प्रशासनले समेत गरेको छ । हेडमास्टर मण्डलले विद्यार्थीलाई विद्यालयबाट ननिकालेपछि आफू डरले पढाई छाडिदिएको प्रतिक्रिया दिएका हुन् ।

प्रहरीमा उजुरीपछि मिलापत्र
प्रहरी कार्यालय तिनकोरिया (गिद्धा) मा मुद्दाको मिलापत्र भएको पीडित बालकका काका धनिराम मण्डलले बताए । उपचारपछि हुन आउने उपचार खर्च करिब ३५ हजार रुपैयाँ दिएपछि घटना मिलापत्र भएको हो । ३५ हजार उपचार खर्च जानुमा मात्र स्केलले मजाक गरेको हुन सक्छ ? भनेर प्रश्न उठेको छ ।

बालकको अहिलेको अवस्था यस्तो छ, घाउको निशान

उनी अहिले आफ्नै पालिकाको माचि झिटकैया स्कूलमा अध्ययनरत छन् । तिनकोरियामा राम्रो पढाई हुन्छ भनेर पढन गएका उनले वास्तविकता अर्कै पाएपछि त्यहाँबाट छाडेर आफ्नै गाउँको स्कूलमा पठनपाठन गरिरहेका छन् ।