भारतीय पैसा मिलाइदिनु भन्दै पैसाको साटो कागजको बिटो दिई ठगी गर्ने दुई जना पक्राउ

न्यूज ब्यूरो, जनकपुरधाम । भारतीय पैसा मिलाइदिनु भन्दै नेपाली पैसाको साटो कागजको बिटो दिई ठगी गर्ने दुई जनालाई प्रहरीले पक्राउ गरेको छ । 

काठमान्डौँ महानगरपालिका वडा नं. १६ बालाजुबाट भारतीय पैसा मिलाईदिनु भन्दै नेपाली पैसा एक हजार माथि राखेर तल पुरै कागजको बिटो राखेर ठगी गरेको आरापमा सिन्धुलीका दुई जनालाई पक्राउ गरिएको हो । 

प्रहरीका अनुसार, रातो रुपमालमा कागजको बिटो (नोटको गड्डी) माथि एक हजार देखाएर बाँकी भाग रुमालमै राखेका थिए । माथिल्लो नोट मात्रै देखाएर ठगी गरेको आरोप छ । 

सिन्धुली गोलञ्जोर गाउँपालिका वडा नं. ४ घर भई हाल काठमान्डौँ बस्दै आएका बर्ष ३३ का श्याम बहादुर मगर र धादिँग बस्ने बर्ष ३२ का गुन बहादुर सिजाली मगर रहेका छन् । उनीहरुले कागजको बिटो दिएर भाग्दै गर्दा पक्राउ गरिएको हो ।