महोत्तरीको जलेश्वर र बर्दिवास सडकममा ट्राफिक नियमन फितलो

बाबु प्रेम यदुवन्शी |
महोत्तरी, २०साउन । महोत्तरीको जलेश्वर बर्दिवास सडकममा बस तथा हलुका सवारी साधनको छतमै वसेर यात्रीहरु जोखिमपुर्ण यात्रा गर्ने गरेपनि नियमन गर्ने निकाय सुस्त देखिएको छ ।

सडकमा रहेको खाल्डा खुल्डी तथा दुरावस्थाले दुई पांग्रे सवारी साधन चलाउन समेत सकस हुने सडकमा निर्वाधरुपमा छतमै सवारी वसाएर सवारी साधन कुदाउदा समेत त्यसता सवारी साधनलाई कार्यवाही गर्न र छतमै वसेर यात्रा गर्नबाट रोक्न सरोकारवाला निकाय असफल देखिएको छ ।

उक्त समस्या महोत्तरी कै सदरमुकाम देखी बर्दिवास ट्राफिकको पहुच भएको स्थानहरुमा छ ।

यता ट्राफिक नियमनको लागि संवेदनशिल मानिएको महोत्तरीका विभिन्न स्थानमा ट्राफिक प्रहरीहरु समेत निरिह देखिने गरिएका छन ।

सिमित साधन,स्रोत र जनशक्तीकै कारण पुर्ण रुपमा नियमको पाल्ना गराउन अपठ्यारो भईरहेको तथा अधिकांशले सोर्स लगाउने तथा आफु फलानोको मानिस भएको धम्काउने लगायको समस्याहरु समेत वेला वेला देखिने गरिएको छ ।

केहि महिना पुर्व नै मनरा सिस्वा नगरपालिकाको सरपल्लोमा एक मोटरसाईकल चालकको जरिवाना काट्न खोज्दा एक ट्राफिक प्रहरीलाई कुटपिट समेत गरिएको थियो ।

ट्राफिक प्रहरी भन्दा पावरफुल सवारी चालक र यात्रुहरु भएपछि महोत्तरीकै ट्राफिक नियमनमा चुनौतीहरु रहेका छन । जलेश्वर बर्दिवास सडकमै समेत जनप्रतिनिधी र स्थानियहरुले सहयोग नगर्दा ट्राफिक नियमन फितलो भएको हो ।

गत महिना मात्र सोहि सडकमा एक खलासीको बसको छतवाट खसेर मृत्यु भएको घटना अझै ताजा रहेपनि ट्राफिकको फितलो चेकिंग र अटेरीका कारण पुन दुर्घटना निम्त्याउन सक्नेमा स्थानियहरु शसंकित छन ।

यात्रीहरु भने उक्त रुटमा सवारी साधनको कमी भएको बताउदै बस भित्र सिट भन्दापनि उभेर यात्रा गर्ने ठाउ समेत नभएकोले आफुहरु छतमै यात्रा गर्नु पर्ने बाध्यता रहेको बताए । सडकको अवस्था जोखिमपुर्ण भएपनि आफुहरु वाध्यतावश यात्रा गर्नु परेको उनीहरुको भनाई छ ।

यता बस तथा टेम्पो लगायतको छतमै यात्रीहरु जथाभावी रुपमा वसाउने,मनपरी गतिमा सवारी साधन कुदाउने,मोटरसाईकलमै तिन जना चारजना वसाउने,विना हेल्मेट बजार क्षेत्रमा समेत सवारी साधन कुदाउने लगायतका ट्राफिक नियमको सवारी चालकहरुले खिल्ली उडाईरहदा विभिन्न दवाव तथा अन्य कारणहरुले ट्राफिक प्रहरी समेत त्यसता कार्य रोक्न सकेका छैनन ।

नियमको कुरा गरे उच्च पहुचका व्यक्तिहरुले विभिन्न धाक धम्की दिने गरेको छ १यति मात्र हैन जनप्रतिनिधिले सोय्म विना हेल्मेट को धम्की दियर चलाउन हुन्च १एक ट्राफिक प्रहरीको भनाई छ ।

यस्तो भन्छन ट्राफिकका जिल्ला प्रमुख :

ट्राफिक नियमनकै लागि आफ्ना ट्राफिक प्रहरीहरु भएको साधन स्रोतका साथ पुर्ण रुपमा तैनाथ रह्ने गरेको र दैनिक जिल्लाको कुनै स्थानमा सचेतना लगायतका विभिन्न कार्यक्रमहरु गरि ट्राफिक नियमन वारे जनचेतना दिइरहेको र आवश्यक परेको स्थानमा जरिवाना समेत काटिरहेको जलेश्वरका ट्राफिक प्रहरी र बर्दिवासका ट्राफिक प्रहरी बताए । उनले मासिक जरिवानाबाटै १५ देखि १७ लाख राजश्व उठिरहेको समेत थपे ।

महोत्तरीकै अन्य स्थानमा ट्राफिक नियमन दुरुस्त भएपनि जलेश्वर बर्दिवास सडमा जरिवाना काट्दा र छतबाट झार्दा समेत यात्रीहरु पुन ट्राफिक प्रहरी ओझेल हुनासाथ छतमा चढ्ने गरेको सुचनाहरु आउने गरेको र आफ्ना प्रहरीहरु तत्काल त्यसलाई रोक्न पहल गरिहाल्ने गरेको बताए ।

उनले जिल्लामा आवश्यक सामग्री तथा स्रोत साधनको अभावले समेत ट्राफिक नियमन गराउन केहि समस्या आउने गरेको र आफु आवश्यक स्रोत साधनको लागि आफुहरु प्रयत्नशिल रहेको बताए ।

यस्तो छ गत आर्थिक वर्षको तथ्यांक :

यता महोत्तरीमा मात्र ८२ दुर्घटना भएकोमा ४२ जनाको मृत्यु,६६ गम्भिर घाईते र ६६ सामान्य घाईते भएको जिल्ला ट्राफिक प्रहरी कार्यालय बर्दिवासको तथ्यांक छ ।

झण्डै २१ हजार ५५० सवारी कार्यवाही भएकोमा एक करोड ४२ लाख ४९ हजार पाचसय जरिवाना गत आर्थिक वर्षको जेष्ठ अन्तिमसम्म उसुल गरिएको छ । त्यसतै मा।प।से। गरि सवारी साधन चलाउने ८५ जनालाई कार्यवाही गरि ८५ हजार जरिवाना उसुल गरिएको थियो ।