धनुषाधाम ५ मा रास्वपा (घण्टी) बाट वडासभापति बने धर्मेन्द्र साह, ११ सदस्यीय समिति गठन

न्यूज ब्यूरो, जनकपुरधाम । राष्ट्रिय स्वतन्त्र पार्टी (रास्वपा) को धनुषाधाम नगरपालिका–५  वडासभापतिमा धमेन्द्र साह सर्वसम्मत चयन भएका छन् । 

वडा नं. ५ को पर्वतबजारमा रहेको मणिगिर पर्वत उत्थान केन्द्रको भवनमा सम्पन्न राष्ट्रिय स्वतन्त्र पार्टीको वडा अधिवेशनबाट साहलाई सर्वसम्मतले वडासभापतिको रुपमा चयन गरेको हो । 

२०० भन्दा बढी पार्टी नेता, कार्यकर्ता तथा स्थानीयको सहभागितामा सम्पन्न अधिवेशनले धर्मेन्द्र साहलाई सर्वसम्मत रूपमा वडा सभापतिमा चयन गरेको हो। अधिवेशनबाट ११ सदस्यीय वडा समिति समेत गठन गरिएको जनाइएको छ।

नवगठित समितिले पार्टीको संगठन विस्तार, जनसमस्याको उठान तथा स्थानीय तहमा प्रभावकारी राजनीतिक गतिविधि सञ्चालन गर्ने प्रतिबद्धता व्यक्त गरेको छ। कार्यक्रममा सहभागी वक्ताहरूले युवाको सक्रिय सहभागिता र संगठन सुदृढीकरणमा जोड दिएका थिए।