मोनाष्टिकका ३० टिचरलाई बच्चा पढाउने मनोरञ्जनात्मक तालिम

न्यूज ब्यूरो
जनकपुरधाम, १९ साउन । प्रदेश नं. २ कै नीजि विद्यालयहरुमा ख्यातीप्राप्त रहेको जनकपुरको मोनाष्टिक स्कूलमा मनोरञ्जनात्मक तालिम दिइएको छ ।

मोनाष्टिक स्कूलका प्रि नर्सरी तर्फ पढाउने ३० जना शिक्षक शिक्षिका लाई बच्चालाई रमणीय र मनोरञ्नात्मक तरिकाले पढाउने तथा प्रोत्साहन गर्ने तौर तरिकाबारे दुई दिने तालिम दिइएको हो ।

शिक्षक शिक्षिका र छात्रछात्राबीचको सम्बन्ध सुमधुर बनाउने उदेश्य सहित प्रिस्कूलका बच्चाहरुलाई पढाउने तरिका बारे काठमान्डौ युनिभर्सीटीका ३ ट्रेनर्सले मात्र मोनाष्टिक स्कूलका ३० टिचरलाई ट्ेरनिँग दिएका हुन् ।

प्रिस्कूलका बच्चाहरुलाई बौद्धिक, शारिरिक विकासको लागि मोनाष्टिक स्कूलले टिचरलाई थप दक्ष बनाउने उदेश्यले यस्तो तालिमको आयोजना गरेको मोनाष्टिकका प्रबन्धक निर्देशक डा. सोनु कुमार साहले जानकारी दिए ।

साहका अनुसार, यस तालिम पश्चात् शिक्षक शिक्षिकाहरुले बच्चालाई प्रोत्साहनको लागि अहम भूमिका निर्वाह गर्ने विश्वास व्यक्त गर्दै प्रदेश नं. २ मै पहिलो तालिमको आयोजना गरिएको दाबी गरे ।