पश्चिम बँगलामा फूल्यो मोदीको कमल, १५ बर्षको सत्ता भत्किँदै, ममताको घर अगाडी 'जय श्रीराम' को नारा

न्यूज ब्यूरो, भारत ।  पश्चिम बंगाल विधानसभा चुनाव २०२६ को मतगणनाका प्रारम्भिक रुझानहरूले राज्यको राजनीतिक माहोल एकदमै फरक देखिएको छ। 

एकातिर भारतीय जनता पार्टी (भाजपा) ले ऐतिहासिक अग्रता लिँदै उत्सव मनाइरहेको छ भने अर्कोतिर सत्तारुढ तृणमूल कांग्रेस ९त्ःऋ० खेमामा निराशा र सन्नाटा छाएको देखिएको छ।

मतगणनाको सुरुवाती चरणदेखि नै भाजपा धेरै सिटमा अगाडि देखिएको छ। विशेषगरी पुरुलिया जस्ता क्षेत्रमा भाजपा उम्मेदवार स्पष्ट अग्रतामा छन्, जसले पार्टीको बलियो पकड देखाउँछ।

यसैबीच, चर्चित भवानीपुर क्षेत्रमा भने तृणमूल कांग्रेसकी नेतृ तथा मुख्यमन्त्री ममता बनर्जीले अग्रता कायम राखेकी छन्, यद्यपि समग्र परिणाममा पार्टी पछाडि परेको संकेत देखिएको छ।

राज्यभरि भाजपा कार्यकर्ताहरूले जीतको आशामा उत्सव मनाउन थालेका छन्। विभिन्न स्थानमा मिठाइ बाँड्ने, नाराबाजी गर्ने तथा जुलुस निकाल्ने गतिविधि देखिएका छन्। अर्कोतर्फ, त्ःऋ कार्यकर्ताहरू भने परिणामप्रति पर्खाइ र चिन्तामा देखिएका छन्।

विश्लेषकहरूका अनुसार यसपटकको चुनावमा भाजपा को संगठित रणनीति, आक्रामक प्रचार र मतदातालाई आकर्षित गर्ने नीतिहरू निर्णायक बनेका छन्।

यदि अन्तिम परिणाम पनि यही रुझानअनुसार आयो भने, पश्चिम बंगालको राजनीति लामो समयपछि ठूलो परिवर्तनतर्फ जाने संकेत देखिएको छ।