सिरहा कारागार पुनः तनावमा, कारागार कब्जा गर्ने प्रयास गरेपछि २२ कैदी पक्राउ

सुनसरी, वैशाख ८ । मानवीय संवेदनालाई नै चुनौती दिने गरी सुनसरीमा एउटा विभत्स घटना सार्वजनिक भएको छ। भोक्राहा नरसिंह गाउँपालिका वडा नं. ८ का ५५ वर्षीय उमर मियाँले आफ्नै ३० वर्षीय छोरा सदरुल मियाँलाई भारतीय अपहरणकारीको जिम्मा लगाएको सनसनीपूर्ण रहस्य खुलेको छ।

प्राप्त जानकारी अनुसार, भुटाहाबाट तरकारी किनेर फर्किँदै गर्दा बाबु उमर मियाँले आफ्नै छोरालाई सुरसान पुल नजिकै पुर्‍याएर पहिले नै ढुकेर बसेको अपहरणकारीको समूहलाई सुम्पिएका थिए। अपराधीहरूले सदरुललाई नियन्त्रणमा लिई हातखुट्टा बाँधेर बोरामा प्याक गरेका थिए। प्रतिकार गर्नै नसक्ने अवस्थामा उनलाई गाडीमा हालेर भारततर्फ कटाउन लागिएको थियो।

प्रत्यक्षदर्शी र भारतीय प्रहरीको सक्रियता सदरुललाई भारततर्फ लगिसकिएको अवस्थामा, भाग्यवश एकजना प्रत्यक्षदर्शीले शंकास्पद गतिविधि देखेपछि तत्काल भारतीय प्रहरीलाई खबर गरेका थिए। सूचना पाउनासाथ सक्रिय भएको भारतीय प्रहरीले शंकास्पद गाडीलाई रोकेर खानतलासी गर्दा बोराभित्र बाँधिएको अवस्थामा सदरुल फेला परेका थिए।

भारतीय प्रहरीको यो तदारुकताले उनलाई मृत्युको मुखबाट उद्धार गर्न सफल भएको छ। बिहारस्थित सुपौल जिल्लाको करजाना थाना प्रहरीले घटनाको गम्भीरतालाई हेर्दै तत्कालै जिल्ला प्रहरी कार्यालय सुनसरीलाई समन्वयका लागि खबर गरेको थियो।

यो घटना बाबुको एकल योजना मात्र नभएको पाइएको छ। जिल्ला प्रहरी कार्यालय सुनसरीले बाबु उमर मियाँसहित आमा र अर्का एक भाइलाई समेत नियन्त्रणमा लिएको छ। आफ्नै रगतको नातालाई पैसा वा कुनै स्वार्थका लागि “सुपारी” दिएर सिध्याउन भारतीय अपराधीहरूको प्रयोग गर्नुले सामाजिक नैतिकतामाथि ठूलो प्रश्न चिह्न खडा गरेको छ।

आफ्नै छोराको सौदाबाजी गर्नुको मुख्य कारण के थियो ? के यो सम्पत्तिको विवाद हो या अन्य कुनै रिसइबी ? प्रहरीले यसबारे गम्भीर अनुसन्धान भइरहेको र अपराधीहरूलाई कुनै पनि हालतमा नछाडिने प्रतिबद्धता जनाएको छ।