गृहमन्त्री सुधन गुरुङ्गको बिचौलिया व्यवसायिक कनेक्सनले समाजिक सँजालमा तरँग, उठयो राजीनामाको माग

न्यूज ब्यूरो, जनकपुरधाम ।  गृहमन्त्री तथा राष्ट्रिय स्वतन्त्र पार्टी ९रास्वपा०का सांसद सुधन गुरुङमाथि सम्पत्ति र व्यावसायिक सम्बन्धलाई लिएर गम्भीर प्रश्न उठेका छन् ।

सम्पत्ति शुद्धीकरणको अनुसन्धानका क्रममा प्रहरी हिरासतमा रहेका दीपक भट्टसँग उनको सम्बन्ध रहेको विवरण सार्वजनिक भएपछि विवाद चुलिएको हो ।

सार्वजनिक विवरणअनुसार ‘स्टार माइक्रो इन्स्योरेन्स कम्पनी लिमिटेड’मा भट्ट र गुरुङबीच व्यावसायिक साझेदारी रहेको उल्लेख गरिएको छ ।

बिचौलियाका रूपमा चिनिएका भट्टसँगको यो सम्बन्ध बाहिरिएपछि राजनीतिक तथा सार्वजनिक वृत्तमा व्यापक चर्चा सुरु भएको छ ।

यता, समाजिक सँजालमा विपक्षीहरुले भने उनको राजीनामाको माग गर्न थालेका छन् । बिचौलिया व्यवसायिसँग उनको साँझेदारी देखिएको प्रमाणहरु छरपष्ट भेटिएको भन्दै समाजिक सँजालमा नैतिकताको प्रश्न समेत उठेको छ ।