कर्जन्हाबासीले सूचनाको हक प्रयोग गर्दै नगरपालिकासँग मागे तथ्यांक

न्यूज ब्यूरो |

सिरहा, १७ साउन । विगत लामो समयदेखि केन्द्र तथा विभिन्न विवादका कारण चर्चामा रहेको सिरहाको कर्जन्हा नगरपालिकाका नगरबासीहरुले सुचनाको हक प्रयोग गर्दै विभिन्न सुचना तथा विवरण सार्वजनिक गर्न माग गरेका छन् ।

विहिबार नगरका नागरिकसमाजले एक सर्वदलीय समिति गठन गरी पत्रकार सम्मेलन गराई जनताको सूचनाको अधिकारलाई नखोस्न आग्रह गर्दै नगरपालीकामा भए–गरेका विभिन्न क्रियाकलापको पारदर्शी ढंगवाट जानकारी पाउनका लागी नगरपालीकाका मेयर गंगा पासमान समक्ष गठित सर्वदलीय समितिले ज्ञापनपत्र बुझाएका हुन् ।

नगरबासीले सम्बन्धित सम्पूर्ण विवरणहरु उपलब्ध गराउन माग सहित नगरपालिकाको कार्यालयमा ज्ञापनपत्र बुझाएका छन् । मेयर पासमानले चाँडै सूचना उपलव्ध गराउने अश्वासन दिए ।

विवादका कारण विगत लामो समयदेखि नगरपालिकाका कार्यकारी अधिकृत कार्यालयमा उपस्थित नहुँदा कार्यालयका सम्पूर्ण कामकाज लथालिङ्ग भएको छ ।